ايماقتار • 24 قاڭتار، 2019

قالامگەر احمەتجان ءاشيريدىڭ مەرەيتويى اتالىپ ءوتتى

442 رەتكورسەتىلدى

ۇلتتىق كىتاپحاناسىندا دراماتۋرگ، ەڭبەك سىڭىرگەن قايراتكەرى، قازاقستان جازۋشىلار وداعى جانە الەم حالىقتارى جازۋشىلارى وداعىنىڭ مۇشەسى احمەتجان ءاشيريدىڭ 80-جىلدىعىنا ارنالعان شىعارماشىلىق  كەش  ءوتتى.

احمەتجان اشيري 1938 جىلى 20 تامىزدا الماتى وبلىسى شەلەك اۋدانىنىڭ مالىباي اۋىلىندا تۋعان. پانفيلوۆ پەدۋچيليششەسىن، قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەن. ى.التىنسارين اتىنداعى پەداگوگيكالىق عىلىمي-زەرتتەۋ ينستيتۋتىنىڭ اسپيرانتۋراسىندا ءبىلىم العان قالامگەر رەسپۋبليكالىق «كوممۋنيزم تۋعي» گازەتى ادەبيەت جانە ونەر ءبولىمىنىڭ مەڭگەرۋشىسى، قازاقستان جازۋشىلار وداعىنىڭ جانىنداعى ۇيعىر ادەبيەتى سەكتسياسىنىڭ جەتەكشىسى، قازاقستان جازۋشىلار وداعىنىڭ حاتشىسى بولدى. كوركەم شىعارمامەن 1956 جىلدان اينالىسا باستايدى.

العاشقى اڭگىمەلەرى «تاڭعى سامال»، «قيلى ادامدار» جيناعىنا ەندى. ال 1965 جىلى اۋىل جاستارىنىڭ ومىرىنە ارنالعان «وسىلاي ءومىر سۇرگىم كەلەدى» تۇڭعىش پوۆەسى جارىق كوردى. شىعارمالارى ورىس، قازاق، وزبەك، ۋكراين، قىرعىز تىلدەرىنە اۋدارىلعان. «ولمەيتىندەر»، «مۋقامشى»، «ديقان»، «يديقۇت»  پەسالارى رەسپۋبليكالىق ۇيعىر مۋزىكالىق كومەديا تەاترىندا قويىلىپ كەلەدى.

«ەڭبەكتە ۇزدىك شىققانى ءۇشىن» جانە «استانا» مەدالىمەن، قازاق كسر-ءنىڭ قۇرمەت گراموتاسىمەن ماراپاتتالعان. «يلحام» حالىقارالىق سىيلىعىنىڭ لاۋراەتى، الماتى وبلىسى ەڭبەكشىقازاق اۋدانىنىڭ قۇرمەتتى ازاماتى.

شارانى اقىن، قازاقستان جازۋشىلار وداعىنىڭ مۇشەسى داۋلەتبەك بايتۇرسىن ۇلى جۇرگىزدى. ءىس-شاراعا باۋىرجان جاقىپ، ءسۇلتانالى بالعاباەۆ، جاناربەك ءاشىمجان، احمەتجان شاردينوۆ، نۇرداۋلەت اقىشەۆ، ءالىمجان تىلەۋالدى، رافاەل نيازبەك، تەمىرحان تەبەگەنوۆ، قايرات دۇيسەن جانە ت.ب. قوعام  قايراتكەرلەرى  قاتىسىپ، ءسوز سويلەدى.

ءىس-شارا بارىسىندا قر ۇلتتىق كىتاپحاناسىنىڭ ديرەكتورى جانات سەيدۋمانوۆ اشىپ، ا.اشيريگە «vip» وقىرمان بيلەتىن تابىستادى.

كەشتە ۇيعىر تىلىندە اندەر ورىندالىپ، ا.اشيريگە ارنالعان ۆيدەو فيلم كورسەتىلدى. سونداي-اق وقىرمان قاۋىمنىڭ نازارىنا قر ۇلتتىق كىتاپحاناسىنىڭ قورىنان جازۋشىنىڭ ءومىرى مەن شىعارماشىلىعىنا ارنالعان كورمە ۇيىمداستىرىلدى.

ەلۆيرا سەرىكقىزى،

«ەqemen Qazaqstan»

الماتى

سوڭعى جاڭالىقتار

التى كولىك قار قۇرساۋىنان شىعارىلدى

ايماقتار • 18 قاڭتار، 2020

18 قاڭتارعا ارنالعان اۋا-رايى بولجامى

قازاقستان • 18 قاڭتار، 2020

الماتى جاسىل قالاعا اينالادى

ەكولوگيا • 17 قاڭتار، 2020

كوكشەتاۋدا بەتى اشىق قۇدىق كوپ

ايماقتار • 17 قاڭتار، 2020

شىمكەنتتە پوەزيا مىنبەرى اشىلدى

رۋحانيات • 17 قاڭتار، 2020

بۇلاندىداعى بەرەكەلى ءىس

ايماقتار • 17 قاڭتار، 2020

مال باققانعا بىتەدى...

ايماقتار • 17 قاڭتار، 2020

كۋۆەيت تۋرنيرىندە توپ جاردى

سپورت • 17 قاڭتار، 2020

گران-پري جارىسىنا قاتىسادى

سپورت • 17 قاڭتار، 2020

ەكىنشى قولانى قورجىنعا سالدى

سپورت • 17 قاڭتار، 2020

ۇقساس جاڭالىقتار