وسى ماتچتا جەڭىسكە جەتكەن كوماندا كەلەسى جىلدىڭ قاراشا ايىندا باستالاتىن دەۆيس كۋبوگىنىڭ فينالدىق سايىستارىنا جولداما الادى. جەرلەستەرىمىزدىڭ الەمدەگى ەڭ ۇزدىك كوماندالار قاتارىنا قوسىلۋعا تاماشا مۇمكىندىگى بار. جاسىراتىنى جوق, قازىرگى كەزدە پورتۋگاليا قۇراماسى اسا قارۋلى ەمەس. بۇگىنگى تاڭدا ايتۋلى مەملەكەتتىڭ ءبىر عانا وكىلى دۇنيەجۇزىلىك رەيتينگتە «توپ-100» ويىنشىنىڭ قاتارىنا قوسىلىپ وتىر. ول – الەمنىڭ 44 راكەتكاسى جواو سوۋزا. پيرەنەي تۇبەگىنىڭ ودان كەيىنگى مىقتىسى پەدرو سوۋزا اتر رەيتينگىندە 103 ورىندى يەلەنۋدە.
ال قازاقستان قۇراماسى مۇشەلەرى اراسىندا ەڭ جاقسى كورسەتكىش ميحايل كۋكۋشكينگە تيەسىلى. ەلىمىزدىڭ ءبىرىنشى راكەتكاسى ۇزدىكتەر تىزىمىندە 56 ورىنعا تۇراقتادى. سونداي-اق, «توپ-200» تەننيسشىنىڭ قاتارىندا الەكساندر بۋبليك (164 ورىن) پەن الەكساندر نەدوۆەسوۆ (193 ورىن) بار. جانە دە 2011 جىلدان بەرى قازاقستاننىڭ تەننيسشىلەرى ايتۋلى جارىستىڭ شيرەك فينالىندا بەس مارتە ونەر كورسەتكەنىن ەسكەرگەن ءجون.
دايىنداعان عالىم سۇلەيمەن,
«Egemen Qazaqstan»
