«استانا ادالدىق الاڭى» جوباسىن ىسكە اسىرۋعا قاتىستى قالا اكىمىنە مەملەكەتتىك قىزمەت ىستەرى جەمقورلىققا قارسى كۇرەس جانە سىبايلاس دەپارتامەنتىنىڭ باسشىسى جازيرا جىلقىشيەۆا بايانداپ بەردى. ونىڭ ايتۋىنشا, جوبا اياسىندا استانالىق دەپارتامەنت 2019 جىلى ءوزىنىڭ كەڭسە فورماتىن وزگەرتكەن.
«بۇگىن مقىاد قىزمەتكەرلەرىنىڭ جۇمىسىندا «Open space» تەحنولوگياسى قولدانىلۋدا. بۇرىن باسشىلىق جەكە وتىراتىن ەدى ەندى قىزمەتكەرلەرمەن بىرگە ءبىر كابينەتتە وتىرادى. وڭتايلاندىرۋ اياسىندا ءبىز قاتارداعى قىزمەتكەرلەردىڭ ەڭبەكاقى مولشەرىن ارتتىرۋعا قول جەتكىزە الدىق.ء بىزدىڭ دەپارتامەنتتىڭ تاجىريبەسىن اكىمدىك باسقارمالارىنا باعىنىستى مەكەمەلەردە دە قولدانۋدى ۇسىنامىز», دەدى جازيرا جىلقىشيەۆا.
دەپارتامەنت باسشىسى وسى جىلى «استانا – ادالدىق الاڭى» جوباسى اياسىندا جۇزەگە اساتىن ءىس-شارالار تۇرمىستىق دەڭگەيدەگى, دەنساۋلىق ساقتاۋ, ءبىلىم بەرۋ, تۇرعىن ءۇي-كوممۋنالدىق شارۋاشىلىعى, ساۋلەت جانە قالا قۇرىلىسى سالاسىندا تۇرمىستىق جەمقورلىقتى تومەندەتۋگە باعىتتالاتىنىن مالىمدەدى. وسىعان بايلانىستى اكىم باقىت سۇلتانوۆ ساۋلەت, قالا قۇرىلىسى جانە جەر قاتىناستارى باسقارماسى باسشىلارىنا, سونداي-اق مونيتورينگ جانە جەدەل ارەكەت ەتۋ ورتالىعىنا جوبالىق كەڭسە ورتالىعىن اشۋعا قول ۇشىن بەرۋگە شاقىردى.
ەلوردا اكىمىنىڭ ايتۋىنشا, قالانىڭ جۇيەلى پروبلەمالار رەيتينگىسىندە تۇرعان وزەكتى ماسەلەلەردىڭ ءبىرى – ۇلەستىك قۇرىلىس. تۇرعىن ءۇي قۇرىلىسىنا ۇلەسكەرلىك قاتىسۋدىڭ پروبلەمالى ماسەلەلەرى بويىنشا قالا اكىمىنىڭ ءبىرىنشى ورىنباسارى سەرگەي حوروشۋن ايتىپ بەردى. استانادا بارلىق تۇرعىن ءۇي نىساندارىنىڭ قۇرىلىسىن اياقتاۋعا بايلانىستى جول كارتاسى ازىرلەنگەن.
اكىمنىڭ ءبىرىنشى ورىنباسارىنىڭ ايتۋىنشا, جول كارتاسىن جۇزەگە اسىرۋ بارىسىندا جانە ۆەدومستۆوارالىق كوميسسيانىڭ جۇمىسى اياسىندا ۇلەسكەرلەردىڭ بارلىق پروبلەمالىق ماسەلەلەرى شەشىلەتىن بولادى. سونىمەن قاتار, الداعى ءتورت جىلدا 35 توزعان جانە اپاتتى ءۇي ءسۇرىلىپ, 750 تۇرعىنى كوشىرىلەدى دەپ جوسپارلانۋدا. قالا اكىمىنىڭ ايتۋىنشا, «ازبۋكا جيليا» نىساندارىنا قاتىستى مەملەكەتتىك ساراپتامادان وتكەن جوبالاۋ-سمەتالىق قۇجاتتاما 25 قاڭتارعا دەيىن شىعۋى ءتيىس.
دەنساۋلىق ساقتاۋ سالاسىنداعى اعىمداعى جاعداي تۋرالى قالا اكىمىنىڭ ورىنباسارى امانشاەۆ ەرمەك باياندادى. ونىڭ ايتۋىنشا, قالالىق ەمحانالار مەن اۋرۋحانالاردىڭ جۇمىسىنا كەلىپ تۇسكەن شاعىمداردى سانى وتكەن اپتادا 98 قۇرادى, الدىڭعى اپتا كورسەتكىشتەرمەن سالىستىرعاندا بۇل 10% - عا تومەن.
«داۋلى ماسەلەلەردىڭ ءجيى تۋىنداۋىنا بايلانىستى تۇرعىندار كوبىنە ەمحانالاردىڭ قىزمەتىنە شاعىم تۇسىرەدى. شاعىمداردىڭ كوبىسى مەديتسينالىق قىزمەتكەرلەردىڭ مورالدى-ەتيكالىق تارتىبىنە, دارىگەردىڭ قابىلداۋىنا جازىلۋ, كەزەك ماسەلەسىنە قاتىستى شاعىمدانادى. اتالمىش ماسەلەلەر بويىنشا ءتيىستى مەديتسينالىق مەكەمەلەردىڭ باسشىلىعىنا ەسكەرتۋلەر جاسالدى», - دەدى ە. امانشاەۆ. ول, سونداي-اق, ەلورداداعى مۇز قالاشىقتارعا كەلۋشىلەر سانى بۇگىنگى تاڭدا 30 مىڭعا جۋىقتاعانىن اتاپ ءوتتى.
«بۇل – وتە جاقسى كورسەتكىش. ەسىل اۋدانىنداعى مۇز قالاشىقتارعا 14 مىڭنان استام ادام كەلەدى. ەلوردادا ۇيىمداستىرىلعان بارلىق مۇز ايدىندارى مەن قالاشىقتارىندا ءار دەمالىس كۇنى ءتۇرلى ءىس-شارالار وتكىزىلەدى. مۇز ايدىندارىندا جاراقات الۋ وقيعالارىن بولدىرماۋ شارالارى جۇرگىزىلەدى. ماسەلە ءبىزدىڭ تۇراقتى باقىلاۋىمىزدا», - دەدى امانشاەۆ.
استانا اكىمىنىڭ ورىنباسارى ماليكا بەكتۇروۆا «سەرگەك» كامەرالارىن ورناتۋ جۇمىستارىنان حاباردار ەتتى. ««سەرگەك» فوتو-بەينە باقىلاۋ كامەرالارى قالانىڭ بارلىق اۋداندارىندا ورناتىلعان. جول قيىلىستارىندا 200 كامەرا ەنگىزىلدى. بۇگىنگى تاڭدا قالادا 1536 «سەرگەك» كامەراسى جۇمىس ىستەۋدە. بولاشاقتا استانادا ازاماتتاردىڭ تۇلعالارىن انىقتاۋعا مۇمكىندىك بەرەتىن كامەرالار ورناتىلادى دەپ جوسپارلانۋدا. پيلوتتىق جوبانى قر ءىىم ىسكە اسىراتىن بولادى», - دەپ مالىمدەدى م. بەكتۇروۆا.
اۋدان اكىمدەرىنىڭ ەسەبىن تىڭداعان باقىت سۇلتانوۆ مەتاللدى قابىلداۋ پۋنكتەرى قىزمەتىنە جاسالعان جاعدايعا توسقاۋىل قويۋعا جانە ليۋك قاقپاقتارىن, ەلەكتر كابەلدەرىن, باسقا دا مەتاللداردى ۇرلاۋعا قاتىستى پروبلەمانى شەشۋگە مۇمكىندىك بەرەتىن ءىس-شارالاردى جۇزەگە اسىرۋ جانە قولدانىستاعى زاڭناماعا ءتيىستى وزگەرىستەردى ەنگىزۋ بويىنشا ۇسىنىستاردى كەلتىرۋدى تاپسىردى.
«اشىق قۇدىققا قۇلاپ قالعان قىزدىڭ قازاسىمەن بايلانىستى قايعىلى وقيعادان كەيىن ءبىز اشىق قۇدىقتارعا, ولاردىڭ قاقپاقتارىنىڭ ۇرلانۋىنا, سونداي-اق, قاقپاقتاردى باسقا ماتەريالدان جاساۋعا قاتىستى ماسەلەلەردى بىرنەشە مارتە تالقىلاعان بولاتىنبىز. اشىق قۇدىقتارعا قاتىستى جۇمىس ماسەلەسىن تۇيىندەي كەلە, قاتارداعى جۇمىسكەرلەرمەن قوسا, ولاردىڭ جەتەكشىلەرىنىڭ دە تاپسىرماعا نەمقۇرايلى قاراعاندىعىن كورىپ وتىرمىز! اۋدان اكىمدەرىنىڭ جاۋاپتى ورىنباسارلارى مەن ينۆەستيتسيالار جانە كاسىپكەرلىكتى دامىتۋ; وتىن-ەنەرگەتيكالىق كەشەن جانە كوممۋنالدىق شارۋاشىلىق; كولىك جانە جول-كولىك ينفراقۇرىلىمىن دامىتۋ باسقارمالارى باسشىلارىنىڭ جاۋاپتى ورىنباسارلارىنا ەسكەرتۋدى سوڭعى رەت جاساپ وتىرمىن. ماسەلە جاقىن ارادا شەشىمىن تاپپاسا, جاۋاپتى تۇلعالاردى تارتىپتىك جاۋاپكەرشىلىككە تارتۋدى تاپسىرامىن»,- باقىت سۇلتانوۆ.
اپپاراتتىق كەڭەس بارىسىنىڭ تولىق نۇسقاسىن تومەندەگى بەينەماتەريالدان كورۋگە بولادى. تۇرعىندار استانا اكىمدىگىنىڭ اپپاراتتىق جيىنىن ەندى اشىق فورماتتا اپتا سايىن كورە الادى.
