بۇل جوباعا مەملەكەت باسشىسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋى نەگىز بولدى. جوبالىق كەڭسە قىزمەتىنىڭ باعىتى سىبايلاس جەمقورلىق كوپتەپ كەزدەسەتىن جانە الەۋمەتتىك ماڭىزى بار سالالاردا كەشەندى تالداۋ نەگىزىندە جەمقورلىققا قارسى ءىس-قيمىلدىڭ قابىلدانۋىنا بايلانىستى بولادى.
جاڭا جوبانىڭ كۋراتورى دانات جۋمين جوبالىق كەڭسە قالا اكىمدىگىمەن, اكك جانە اگەنتتىكتىڭ اۋماقتىق دەپارتامەنتىمەن بىرلەسىپ, ساۋلەت سالاسىندا 12 قىزمەتتى تسيفرلاندىرعان جوبانى ىسكە قوستى دەيدى.
ء«بىلىم بەرۋ» باعىتى بويىنشا جوبالىق كەڭسە مەكتەپتەردە اقشا جيناۋدى بولدىرماۋعا كۇش جۇمساسا, «دەنساۋلىق ساقتاۋ» باعىتى بويىنشا تەگىن مەديتسينالىق قىزمەتتەردىڭ اشىقتىعىن قامتاماسىز ەتۋگە, تۇرعىن-ءۇي كوممۋنالدىق شارۋاشىلىعى سالاسىندا قالا حالقى ءۇشىن قولايلى جاعداي جاساۋعا مۇمكىندىك بەرەتىن بولادى. «سونىمەن قاتار, «secret shopper» (قۇپيا ساتىپ الۋشى) ادىسىمەن زەرتتەۋ جوباسى ىسكە قوسىلىپ, ول بارلىق الەۋمەتتىك ماڭىزدى سالالاردى قامتيدى, بۇل ءوز كەزەگىندە تۇرمىستىق سىبايلاس جەمقورلىققا قارسى كۇرەستىڭ ءتيىمدى قۇرالى بولادى», - دەيدى «شىمكەنت – ادالدىق الاڭى» جوبالىق كەڭسەسىنىڭ باسشىسى ەراسىل تولەباەۆ.
ءتۇرلى قوعامدىق مونيتورينگ زەرتتەۋ ناتيجەلەرى قوعام مەن بىرقاتار مەملەكەتتىك قۇرىلىمنىڭ مۇددەلەرى اراسىندا تەڭگەرىمسىزدىك بار ەكەنىن كورسەتتى. ول اشىق دەرەككوزدەردە مەملەكەتتىك ورگاننىڭ جۇمىسىن جۇرتشىلىقتىڭ باعالاۋى بويىنشا اقپاراتتىڭ جابىقتىعىنان كورىنەدى. اقپاراتتىق اشىقتىق پەن ايقىندىلىق قۇرالدارىنىڭ ءبىرى «قوعامدىق باقىلاۋدىڭ ينتەراكتيۆتى كارتاسى» بولىپ تابىلادى, ول مەملەكەتتىك بيۋدجەتتەن مەكتەپتەردى, اۋرۋحانالاردى جانە باسقا دا قارجىلاندىرۋ وبەكتىلەرىن قامتاماسىز ەتۋگە ارنالعان بيۋدجەتتىڭ ترانسپورەنتتىلىگىنە ەرەكشە نازار اۋدارۋعا مۇمكىندىك بەرەدى.
نۇرشات توكەن,
«ەگەمەن قازاقستان»
