ءبىلىم جانە عىلىم ءمينيسترى ە. ساعاديەۆتىڭ, ەڭبەك جانە حالىقتى الەۋمەتتىك قورعاۋ ءمينيسترى م. ابىلقاسىموۆانىڭ, ەنەرگەتيكا ءمينيسترى ق. بوزىمباەۆتىڭ, ۇلتتىق ەكونوميكا ءبىرىنشى ۆيتسە-ءمينيسترى ر. دالەنوۆتىڭ جانە اۋىل شارۋاشىلىعى ءبىرىنشى ۆيتسە-ءمينيسترى ا. ەۆنيەۆتىڭ, سونداي-اق, شىعىس قازاقستان وبلىسىنىڭ اكىمى د. احمەتوۆتىڭ, استانا قالاسىنىڭ اكىمى ب. سۇلتانوۆتىڭ, شىمكەنت قالاسىنىڭ اكىمى ع. ءابدىراحىموۆتىڭ باياندامالارىن تىڭداعاننان كەيىن پرەمەر-مينيستر پرەزيدەنتتىڭ بەس الەۋمەتتىك باستاماسى — بۇل مەملەكەت باسشىسىنىڭ اۋقىمدى باعدارلاماسى, ونىڭ ءار ادامنىڭ ومىرىنە اسەرى بار ەكەنىن اتاپ ءوتتى. سوندىقتان ءاربىر باستامانى ساپالى جۇزەگە اسىرۋ قاجەت.
ءبىرىنشى باستاما بويىنشا جۇمىستى جالعاستىرۋ قاجەت, سونداي-اق ۇلتتىق بانكتىڭ وتىرىستا ايتىلعان ۇسىنىستارىن قاراستىرۋ كەرەك. بيىل «7–20–25» باعدارلاماسىنىڭ قازىرگى كەدەرگىلەرىن جويىپ, ىسكە اسىرۋ بارىسىن جەدەلدەتۋ قاجەت.
سالىق جۇكتەمەسىن ازايتۋعا قاتىستى ەكىنشى باستاما ورىندالدى.
ءۇشىنشى باستاما قوسىمشا ءبىلىم گرانتتارىن بەرۋ تۇرعىسىنان ورىندالدى. ەندى جاتاقحانالار سالۋ ماسەلەسى قالدى. قر بعم دەرەكتەرىنە سايكەس, بيىل العاشقى جاتاقحانالار سالىنادى. پرەمەر-مينيستر بيىل جوسپارلانعان 5 مىڭ ورىندى پايدالانۋعا بەرۋ قاجەت ەكەنىن ايتتى. بۇدان وزگە, ءبىلىم جانە عىلىم مينيسترلىگىنە اكىمدىكتەرمەن بىرلەسىپ, وتىرىس بارىسىندا ايتىلعان ۇسىنىستاردى پىسىقتاۋ تاپسىرىلدى.
ءتورتىنشى باستاماعا قاتىستى, شاعىن نەسيەلەر بويىنشا جوسپارلى كورسەتكىشتەرگە قول جەتكىزۋ قاجەتتىگى اتالىپ ءوتتى. سونىمەن قاتار, اتالعان ماسەلەنىڭ, اسىرەسە قالالاردا, ورىندالۋ ساپاسىن ارتتىرۋعا ەرەكشە كوڭىل ءبولۋ كەرەك. ۇلتتىق ەكونوميكا, ەڭبەك جانە حالىقتى الەۋمەتتىك قورعاۋ مينيسترلىكتەرى تاراپىنان ۇيلەستىرۋ جۇمىستارىن كۇشەيتۋ تاپسىرىلدى. بۇدان وزگە, وڭىرلەردە بەرىلگەن شاعىن نەسيەلەردىڭ يگەرىلۋىن قامتاماسىز ەتۋ ماقساتىندا سەبەپتەرىن تالداپ, كەدەرگىلەردى جويۋ تاپسىرىلدى. اتالعان ماسەلەدە باعدارلاماعا «بيزنەس-باستاۋ» جوباسىنىڭ تۇلەكتەرىن تارتۋ تۇرعىسىنان «اتامەكەن» ۇلتتىق كاسىپكەرلەر پالاتاسىنىڭ ەرەكشە ءرولى اتالىپ ءوتتى.
بەسىنشى باعىتتى ورىنداۋ تۇرعىسىنان «سارىارقا» گاز قۇبىرىن ۋاقىتىلى سالىپ, ىسكە قوسۋدى قامتاماسىز ەتۋ قاجەت. ەنەرگەتيكا ءمينيسترى ق. بوزىمباەۆقا بۇل ماسەلەنى ەرەكشە باقىلاۋدا ۇستاۋ تاپسىرىلدى.
