كوپ دەنە جاراقاتىن العان وتاعاسى قالالىق اۋرۋحاناعا جاتقىزىلعان. ونىڭ ايەلىن دە بىرنەشە جەردەن قاۋىپ العان.
جايشىلىقتا ايتقانعا كونەتىن جۇپ-جۋاس ءيتتى نە تۇلەن تۇرتكەنىن ەشكىم بىلمەيدى. كورشىلەرىنىڭ ايتۋىنشا, ءتۇنى بويى اۋلادا سەيىلدەگەن جەتى قازىنانىڭ ءبىرى ارنايى ورىنعا كىرۋدەن باس تارتقان كورىنەدى. قوجايىندارىنىڭ بۇيرىعىنا باعىنباي قارسى شاپقان. مۇنداي ارەكەتتى كۇتپەگەن ەرلى-زايىپتىلار داعدارىپ قالعان. وسى مەزەتتە اقسيعان زاۋ تىستەرىمەن بىرنەشە جەردەن تىستەپ, جاراقات سالىپ ۇلگىرگەن.
ءتارتىپ ساقشىلارىنىڭ پايىمداۋىنشا تۇندە يەلەرى ونى اۋلاعا بوساتىپ جىبەرەدى ەكەن. وقيعا بولعان كۇنى تاڭەرتەڭ ايەل ءيتتى ارنايى ورىن-ۆولەرگە كىرگىزە الماي قويعان. اقىرىندا ونىڭ وزىنە دە, كومەككە كەلگەن كۇيەۋىنە دە قارسى شابۋىلداپ, تالاپ تاستاعان. امالسىز پوليتسيا شاقىرتۋعا ءماجبۇر بولعان.
وقيعا ورنىنا شۇعىل جەتكەن پەتروپاۆل پاترۋلتدىك پوليتسيا باتالونىنىڭ قىزمەتكەرلەرى تابەلدىك قارۋ قولدانىپ, ءيتتى اتۋلارىنا تۋرا كەلگەن.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
