قازاقستان • 22 قاڭتار، 2019

ق. بوزىمباەۆ «سارىارقا» ماگيسترالدى گاز قۇبىرىن سالۋ جوباسىن ىسكە اسىرۋ بارىسى تۋرالى باياندادى

322 رەتكورسەتىلدى

بۇگىن قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا پرەزيدەنتتىڭ بەس الەۋمەتتىك باستاماسىن ىسكە اسىرۋ اياسىندا «سارىارقا» ماگيسترالدى گاز قۇبىرىن سالۋ جوباسىنىڭ اعىمداعى جاعدايى تۋرالى ەنەرگەتيكا ءمينيسترى ق. بوزىمباەۆ باياندادى.

ەسكە سالا كەتەيىك، «سارىارقا» ماگيسترالدى گاز قۇبىرىن سالۋ جوباسى ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتۋگە، ورتالىق جانە سولتۇستىك وڭىرلەردى سەنىمدى جانە ۇزدىكسىز گازبەن جابدىقتاۋعا، سونداي-اق، جالپى ەكولوگيالىق جاعدايدى جاقسارتۋعا باعىتتالعان.

الەۋمەتتىك-ەكونوميكالىق اسەرى:

• ماگيسترالدى گاز قۇبىرىنىڭ ءبىرىنشى كەزەگىنىڭ بويىنداعى 171 ەلدى مەكەندى كەزەڭ-كەزەڭىمەن قامتاماسىز ەتۋ;

• ماگيسترالدى گاز قۇبىرى تراسساسىنىڭ بويىنداعى ينفراقۇرىلىمدى دامىتۋ;

• قۇرىلىس كەزەڭىندە 1690-نان استام جۇمىس ورنىن جانە پايدالانۋ كەزەڭىندە شامامەن 200 جۇمىس ورنىن قۇرۋ;

• استانا قالاسىنىڭ جانە ماگيسترالدى گاز قۇبىرىنىڭ بويىنداعى باسقا دا ەلدى مەكەندەردىڭ ەكولوگيالىق جاعدايىن جاقسارتۋ.

قر ەنەرگەتيكا مينيسترلىگىنىڭ دەرەكتەرىنە سايكەس، 2018 جىلعى 19 قاراشادا «استاناگاز قمگ» اق مەن «قازقۇرىلىسسەرۆيس» مگقك» اق اراسىندا «سارىارقا» ماگيسترالدى گاز قۇبىرىن سالۋ تۋرالى كەلىسىمشارتقا قول قويىلدى. جۇمىستار كەستەسىنە سايكەس ءبىر مەزگىلدە بەس جەلىلىك اعىندى جۇزەگە اسىرۋ ارقىلى ماگيسترالدى گاز قۇبىرىن سالۋ جوسپارلانىپ وتىر. مونتاجداۋ جانە قۇبىرعا گيدروسىناۋدى جۇرگىزۋ ارقىلى ماگيسترالدى گاز قۇبىرىنىڭ جەلىلىك بولىكتەرىن سالۋدى اياقتاۋ 2019 جىلدىڭ سوڭىنا قاراي بەلگىلەندى.

مەردىگەردىڭ تەحنيكاسىن، جابدىقتارى مەن جۇمىسشىلارىن جۇمىلدىرۋ بيىلعى قاڭتاردىڭ سوڭىندا باستالادى. تراسسانى دايىنداۋ 27 اقپاندا باستالماق. بۇل رەتتە، جەلىلىك قۇبىردىڭ ءبىرىنشى پارتياسىن جەتكىزۋدى وسى جىلعى ناۋرىزدا باستاپ، تامىزدا اياقتاۋ جوسپارلانىپ وتىر. جەلىلىك قۇبىرلاردىڭ دانەكەرلەۋ جۇمىستارى بيىل 21 ناۋرىزدا باستالادى.

ق. بوزىمباەۆتىڭ ايتۋىنشا، گاز تاراتۋ جەلىلەرى بويىنشا قازىرگى تاڭدا استانا ق،. اقمولا جانە قاراعاندى وبلىستارىنىڭ اكىمدىكتەرى گاز تاراتۋ جەلىلەرىنىڭ ءبىرىنشى كەزەگىن سالۋدىڭ جوبالىق-سمەتالىق قۇجاتتاماسىن (جسق) اياقتاۋدا.

اكىمدىكتەردىڭ اقپاراتىنا سايكەس، 2019 جىلدىڭ ءى توقسانىندا جسق بويىنشا مەملەكەتتىك ساراپتاما قورىتىندىسىن الۋ كۇتىلۋدە.

جوعارىدا كورسەتىلگەن جوبالار بويىنشا جسق-عا «مەمساراپتاما» رمك-ءنىڭ كەشەندى ۆەدومستۆودان تىس ساراپتاماسىنىڭ وڭ قورىتىندىسى الىنعاننان كەيىن ەنەرگەتيكا، قارجى مينيسترلىكتەرى مۇددەلى مەملەكەتتىك ورگاندارمەن جانە ۇيىمدارمەن بىرلەسىپ، زاڭنامادا بەلگىلەنگەن تارتىپتە «سارىارقا» ماگيسترالدى گاز قۇبىرى تراسساسىنىڭ بويىنداعى ەلدى مەكەندەرگە گاز تاراتۋ جەلىلەرىن سالۋدى قارجىلاندىرۋ ماسەلەسىن پىسىقتايتىن بولادى.

ق. بوزىمباەۆتىڭ ايتۋىنشا، اتالعان تاپسىرما تۇراقتى باقىلاۋعا الىنعان.

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

بوكسشىلار امماندا ىرىكتەلەدى

كاسىپقوي بوكس • بۇگىن، 06:53

ۇقساس جاڭالىقتار