ايتا كەتەيىك, «وربيتا» ساياجاي قاۋىمداستىعى – تالاي ادام تۇراقتى قونىس ەتكەن, سوڭعى جىلدارى تابيعي گاز قۇبىرى تارتىلىپ, شاعىن ەلدى مەكەنگە اينالعان جەر. ءبىر تۇندە پايدا بولعان تاۋ-توبە قوقىس ەڭ الدىمەن وسى اۋىل تۇرعىندارىنىڭ نارازىلىعىن تۋدىردى. ويتكەنى ءشىرىپ ب ۇلىنە باستاعان تەرىدەن شىققان جاعىمسىز ءيىس اينالاداعى قاڭعىباس يت پەن مىسىقتى وزىنە شاقىرىپ, قوقىس بازارىنا اينالا باستاعان.
– وقيعا 13 قاڭتارعا قاراعان ءتۇنى بولعان ەكەن. ورال قالالىق پوليتسيا باسقارماسىنىڭ اباي بولىمىنە شاعىم تەلەفون ارقىلى 17 قاڭتاردا ءتۇستى. ارينە ءبىزدىڭ قىزمەتكەرلەر وقيعا ورنىنا بارىپ, ءمان-جايدى زەرتتەپ, تەرگەۋ-تەكسەرۋ شارالارىن جۇرگىزدى. ءسويتىپ قاۋىپتى قالدىقتى ءتيىستى ورىنعا – قوقىس پوليگونىنا اپارماي, توعاي ىشىنە توگىپ كەتكەن كولىك جۇرگىزۋشىسىن انىقتادى. بۇعان بەينەباقىلاۋ كامەراسىنداعى جازبا كومەكتەستى, − دەيدى وبلىستىق پوليتسيا دەپارتامەنتىنىڭ قىزمەتكەرى ءاليا ناۋرىزعاليەۆا.
وقيعاعا كىنالى − «كاماز-5511» اۆتوكولىگىنىڭ جۇرگىزۋشىسى, ورال قالاسىنىڭ 30 جاسار تۇرعىنى بولىپ شىقتى. ول ءوز كىناسىن تولىعىمەن مويىندادى.
كىنالى جۇرگىزۋشى اكىمشىلىك جاۋاپكەرشىلىككە تارتىلعانىن ايتا كەتەيىك.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 2018 جىلى اكىمشىلىك قۇقىق بۇزۋشىلىق تۋرالى كودەكسىنىڭ 505-بابى (قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ, سونداي-اق قالالار مەن ەلدى مەكەندەر ينفراقۇرىلىمى وبەكتىلەرىن بۇزۋ, جاسىل ەكپەلەرىن جويۋ جانە ءبۇلدىرۋ) بويىنشا باتىس قازاقستان وبلىسىندا 3927 زاڭ بۇزۋشىلىق تىركەلگەن.
ال بەينەكامەرالاردىڭ كومەگىمەن وبلىس اۋماعىندا بارلىعى 16104 زاڭ بۇزۋشىلىق وقيعاسى اشكەرەلەنگەن ەكەن.
قازبەك قۇتتىمۇرات ۇلى,
«Egemen Qazaqstan»
باتىس قازاقستان وبلىسى
