رەسمي سالتاناتتان كەيىن ورىن العان سۇحبات بارىسىندا ەلشى ناتو باس حاتشىسىنا قازاستان پرەزيدەنتى نۇرسۇلتان نازارباەۆتىڭ حالىقارالىق ارەناداعى قاۋىپسىزدىكتى نىعايتۋعا باعىتتالعان باستامالارىمەن تانىستىردى.
ي. ستولتەنبەرگ قازاقستاندىق بىتىمگەرشىلىك روتاسىنىڭ 120 اسكەري قىزمەتشىسى «يندبات» ءۇندى باتالونى قۇرامىندا «ليۆانداعى بۇۇ-نىڭ ۋاقىتشا كۇشتەرى» ميسسياسىنا قاتىسۋ ءۇشىن ليۆان رەسپۋبليكاسىنا جىبەرىلۋىن قىزىعۋشىلىقپەن قابىلدادى.
ا. قۇسپان ەلىمىز سيرياداعى جانجالدى توقتاتۋ جانە سول ەلدە بەيبىتشىلىك پەن تۇراقتىلىقتى ورناتۋ پروتسەسىنە بەلسەندى اتسالىسىپ كەلە جاتقانىنا نازار اۋداردى. ونىڭ ءبىر جارقىن دالەلى رەتىندە سوڭعى ەكى جىل ىشىندە سيريا بويىنشا استانا پروتسەسىنىڭ 11 راۋندى وتكىزىلگەنى ايتىلدى.
سونىمەن قاتار, ەلشى پرەزيدەنت ن. نازارباەۆتىڭ تاپسىرماسىمەن سيرياداعى سوعىس ايماعىنان 47 قازاقستان ازاماتتارىن, سونىڭ ىشىندە 30 بالانى ەلگە قايتارۋعا باعىتتالعان «جۋسان» وپەراتسياسىنىڭ ءساتتى جۇزەگە اسىرىلعانىن اتاپ ءوتتى.
حالىقارالىق ماسەلەلەردەن باسقا, تاراپتار ەكىجاقتى ىنتىماقتاستىقتىڭ اعىمداعى جاعدايى مەن دامۋ كەلەشەگى بويىنشا پىكىر الماستى.
