الەم • 19 قاڭتار، 2019

رەيتەر: ترامپ پەن كيم چەن ىن اقپاندا كەزدەسەدى

376 رەتكورسەتىلدى

اقش پەن كحدر اراسىنداعى ەكىنشى سامميت اقپاندا وتەدى. رەيتەر اگەنتتىگىنىڭ حابارلاۋىنشا، جۇما كۇنى اق ءۇي اكىمشىلىگىمەن كەزدەسكەن سولتۇستىككورەيالىق ديپلومات وسىنداي كەلىسىمگە قول جەتكىزگەن.

اق ءۇيدىڭ ءباسپاسوز حاتشىسى سارا ساندەرستىڭ ايتۋىنشا، اقش پرەزيدەنتى دونالد ترامپ پەن كحدر وكىلى كيم يونگ چول ءبىر جارىم ساعات بويى اڭگىمەلەسىپ، يادرولىق قارۋدان باس تارتۋ جونىندە جانە ەكىنشى ءسامميتتىڭ مەرزىمى تۋرالى پىكىر الماسقان. 

رەيتەر اگەنتتىگىنىڭ مالىمەتىنە سۇيەنسەك، اقش تاراپى سولتۇستىك كورەياعا قاتىستى سانكتسيادان باس تارتپايدى. ايتسە دە، ەكىجاقتى كەلىسسوزدەردى جۇرگىزۋگە تاراپتار كەلىسىم بەرگەن. 

ال وڭتۇستىك كورەيا الداعى كەزدەسۋدىڭ ماڭىزى زور ەكەنىن ايتىپ وتىر. مۋن چجە ين اكىمشىلىگى سامميت جۇمىسى كورەيا تۇبەگىندە تىنىشتىق پەن بەيبىتشىلىك ورناتۋعا مول ۇلەس قوسادى دەپ ەسەپتەيدى. 

وڭتۇستىك كورەيانىڭ ءباسپاسوز حاتشىسى كيم ىي گيوم مالىمدەمە جاساپ، سەۋل بيلىگى اقش جانە باسقا مەملەكەتتەرمەن بىرلەسىپ يادرولىق قارۋدان باس تارتۋ جانە الەمدە بەيبىتشىلىك ورناتۋ جولىندا ناقتى ءارى پراكتيكالىق ءىس-قيمىلدار جاسايتىنىن جەتكىزگەن.

الايدا اقش تاراپى كەلىسسوزدەر وتكىزۋگە ىنتا تانىتقانىنا قاراماستان، قورعانىس ماسەلەسىن ەستەن شىعارماعان ەكەن. ۇلىبريتانيانىڭ The Guardian گازەتى د.ترامپ اقش-تىڭ راكەتاعا قارسى قورعانىسىن دامىتۋدىڭ جوسپارىن تانىستىراتىنىن حابارلادى. قورعانىس جۇمىستارى زاماناۋي عارىشتىق قۇرىلعىلار نەگىزىندە جاسالماق. پەنتاگوندا تانىستىرىلاتىن جوبا «قاۋىپتى» مەملەكەتتەردىڭ سناريادتارىن انىقتاۋعا، بۇعاتتاۋشىلار جەلىسىن كوبەيتۋگە مۇمكىندىك بەرەدى.

سوڭعى جاڭالىقتار

ەلباسى تالعات دوناقوۆتى قابىلدادى

قازاقستان • بۇگىن، 17:52

عارىشتاعى قوقىس (ۆيدەو)

ۆيدەو • بۇگىن، 13:08

ۇقساس جاڭالىقتار