رەسپۋبليكا بويىنشا 2019 جىلدىڭ 18 قاڭتارىندا, ياعني بۇگىن ساعات 9:00-دە وقۋدىڭ اقىلى بولىمىنە تۇسۋشىلەر ءۇشىن ۇلتتىق بىرىڭعاي تەستىلەۋ باستالدى. ەلىمىز بويىنشا 18-20 قاڭتار ارالىعىندا 35 838 تالاپكەر سىناققا قاتىسادى. ونىڭ ىشىندە 61-ءى ءبىلىمىن اعىلشىن تىلىندە سىنايدى. ۇبت-نى شەت تىلىندە تاپسىرۋشىلار سانىنىڭ ارتۋىنا «حالىقارالىق باعدارلامالار ورتالىعى» اق قىزىعۋشىلىق تانىتىپ وتىر. وسىعان وراي تەستىلەنۋشىلەرگە ىنتالاندىرۋ رەتىندە جوعارى بالل جيناعان وقۋشىنى شەتەلدىك جوو-عا گرانتقا تۇسىرمەكشى.
«قر بعم «حالىقارالىق باعدارلامالار ورتالىعى» اق باسشىسى جانبولات مەلدەشوۆ تەستى اعىلشىن تىلىندە ۇزدىك تاپسىرعان تالاپكەرگە گرانت بولۋگە دايىن ەكەندىگىن ايتىپ, بىرقاتار شەتەلدىك سەرىكتەس جوو-نى بەلگىلەدى» دەيدى مينيسترلىك وكىلدەرى.
«جالپى, شەتەلدىك جوعارى وقۋ ورىندارىندا ءبىلىم الۋعا مۇمكىندىك وتە كوپ. بيىل شەتەلدىك جوو-لار ءبىزدىڭ ازاماتتارعا 40 000 گرانت بولۋگە دايىن. بۇل – ءار تالاپكەردىڭ تەگىن ءبىلىم الۋعا مۇمكىندىگى بار دەگەن ءسوز. مەكتەپ تۇلەكتەرى ۇبت سەرتيفيكاتىمەن قازاقستاندىق جوو-لارعا عانا ەمەس, شەتەلدىك وقۋ ورىندارىنا دا تۇسە الادى. مىسالى, تۇركيا جوعارى وقۋ ورىندارىنا ءبىزدىڭ سەرتيفيكاتىمىزبەن بارىپ, وقي الادى. ول ءۇشىن اعىلشىن جانە تۇرىك تىلدەرىن ءبىلۋى كەرەك», — دەيدى ج.مەلدەشوۆ.
سوڭعى جىلدارى اعىلشىن تىلىندە ءبىلىم بەرۋ قارقىندى دامىپ كەلەدى. كەيبىر قازاقستاندىق مەكتەپتەردە اعىلشىن تىلىندە پاندەر ەنگىزىلگەن. اعىلشىن تىلىندە تەست تاپسىرۋدىڭ باستى ماقساتى – شەتەلدىك جوو-عا تۇسۋگە دەگەن نيەت. بۇل سۇراق بويىنشا تالاپكەرلەرگە «حالىقارالىق باعدارلامالار ورتالىعى» كومەكتەسۋگە دايىن.
