30 جاستاعى ارقالىق قالاسىنىڭ تۋماسى اۋەسقويلار اراسىندا دا ءتاۋىر جۇدىرىقتاسقان ەدى. 91 كيلو جانە +91 كيلو سالماق دارەجەلەرىندە قازاقستاننىڭ ءۇش دۇركىن چەمپيونى اتانىپ, دۇنيەجۇزىلىك ۋنيۆەرسيادادا كۇمىس مەدالدى يەلەندى. كەزىندە كوسوبۋتسكي ءوزىنىڭ ايگىلى وتانداسى ۆاسيلي لەۆيت جانە لوندون وليمپياداسىنىڭ قولا جۇلدەگەرى, الەمنىڭ ءۇش دۇركىن چەمپيونى ماگومەدراسۋل مەدجيدوۆتى ۇتقانىن جانكۇيەرلەر ۇمىتا قويعان جوق.
2017 جىلدان بەرى جان كاسىپقوي رينگتە كۇش سىناسىپ ءجۇر. سول ارالىقتا سەگىز كەزدەسۋ وتكىزىپ, بارلىعىندا جەڭىسكە جەتتى. جەتى قارسىلاسىن نوكاۋتقا جىبەردى. سوڭعى رەت ول بىلتىرعى جىلدىڭ 29 قاراشاسىندا ءدال وسى مينسك قالاسىندا جەرگىلىكتى بوكسشى الەكساندر نەحايچيكتى ەكىنشى راۋندتا تەحنيكالىق نوكاۋتپەن ۇتتى.
29 قاڭتاردا جان كوسوبۋتسكي بوسني مەن گەرتسەگوۆينانىڭ بوكسشىسى سردجان گوۆەداريتسامەن جۇدىرىقتاسادى. ول 29 جاستا. قارت قۇرلىقتىڭ وكىلى دە ءالى جەڭىلىپ كورگەن جوق. گوۆەداريتسا وسى كۇنگە دەيىن التى رەت رينگكە كوتەرىلىپ, بەس قارسىلاسىن ەسىنەن تاندىردى.
عالىم سۇلەيمەن,
«ەگەمەن قازاقستان»
