ولاردىڭ قاتارىندا ادەبي, تاريحي, بيزنەستى جۇرگىزۋ, مەنەدجمەنت, پسيحولوگيا سالالارىنا ارنالعان قۇندى دۇنيەلەر كوپ. كوپشىلىك نازارىنا 300-دەن اسا ەڭبەك ۇسىنىلسا, باسىم بولىگى مەملەكەتتىك تاپسىرىسپەن كەلگەن. كەيبىرى تارتۋ ەتىلىپتى.
«كورمەگە قويىلعان كىتاپتار اراسىنان قازاق حاندىعى مەن تسين پاتشالىعى اراسىنداعى ساياسي-ديپلوماتيالىق قاتىناستار جايلى ەڭبەكتى ەرەكشە اتاۋعا بولادى. قىزىقتى دەرەكتەر قىتاي مۇراعاتىنان الىنعان. بۇدان باسقا دا تارتىمدى شىعارمالار بارشىلىق. ونىڭ ءبىرى قازاقستان مەن كورەيا مەملەكەتتەرى بىرلەسىپ شىعارعان «قازاق دالاسى امىرشىلەرىنىڭ التىنى» دەپ اتالادى. وندا ەلىمىزدەگى مادەني ەسكەرتكىشتەر جايلى كەڭىنەن قامتىلعان. مۇستافا شوقاي شىعارمالارىنىڭ 12 تومدىق جيناعى ۇلت قايراتكەرىنىڭ 130 جىلدىق مەرەيتويىنا وراي سىيعا بەرىلگەن. بالالارعا ارنالعان بازارلىقتار دا از ەمەس. جانۋارلار جايلى دەرەكتەر دە جەتكىلىكتى» دەيدى كىتاپحاناشى ءنازيرا ىسقاقوۆا.
كىتاپحانا ەسىگىن العاشقىلاردىڭ ءبىرى بولىپ اشقان داناش جۋكەنوۆا «مەنەدجمەنت نەگىزدەرى» اتتى تۋىندى جايلى اسەرلەرىمەن ءبولىستى. بولاشاق مەنەدجەر پايدالى اقپاراتتاردى مولىنان كەزدەستىرگەنىن, قازاق, ورىس جانە اعىلشىن تىلدەرىندە جازىلعان ادەبيەت, بيزنەستى جۇرگىزۋ, پسيحولوگيا سالالارىنا ارنالعان قۇندى دۇنيەلەردىڭ مولدىعىن ايتادى.
ءسابيت مۇقانوۆ اتىنداعى وبلىستىق كىتاپحانا قورى جىل سايىن 8-9 مىڭ تۋىندىمەن تولىعىپ وتىرادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
