ۇكىمەت • 17 قاڭتار، 2019

113 مىڭنان استام وتباسى تۇرعىن ءۇي جاعدايىن جاقسارتتى - ق.وسكەنباەۆ 

296 رەتكورسەتىلدى

يندۋستريا جانە ينفراقۇرىلىمدىق دامۋ ۆيتسە-ءمينيسترى قايىربەك وسكەنباەۆ تۇرعىن ءۇيدىڭ قولجەتىمدىلىگى مەن ساپاسىن ارتتىرۋ بويىنشا قابىلدانىپ جاتقان شارالار تۋرالى ايتتى، دەپ حابارلايدى primeminister.kz.

ق. وسكەنباەۆ اتاپ وتكەندەي، 2018 جىل تۇرعىن ءۇي قۇرىلىسى بويىنشا تابىستى بولدى.

«2018 جىلدىڭ قورىتىندىسى بويىنشا 12،5 ملن م² تۇرعىن ءۇي ىسكە قوسىلدى، ول وتكەن جىلدىڭ دەڭگەيىنەن 12،1% جوعارى. 113 مىڭنان استام وتباسى تۇرعىن ءۇي جاعدايلارىن جاقسارتتى»، دەپ اتاپ ءوتتى ۆيتسە-مينيستر.

2018 جىلى تۇرعىن ءۇي قۇرىلىسىنا 1،2 ترلن تەڭگە ينۆەستيتسيالاندى. بۇل 2017 جىلدان 8،1%-عا ارتىق. ينۆەستيتسيالاردىڭ نەگىزگى ۇلەسىن — 86% — جەكە قۇرىلىس سالۋشىلار مەن حالىقتىڭ ينۆەستيتسيالارى قۇرايدى. 1 تەڭگەگە مەملەكەتتىك قاراجاتقا 6 تەڭگە جەكە ينۆەستيتسيالار تارتىلدى.

2018 جىلى پايدالانۋعا بەرىلگەن تۇرعىن ءۇي كولەمى 2017 جىلمەن سالىستىرعاندا 12،1%-عا ارتتى. جەكە تۇرعىن ءۇي قۇرىلىسىنا ينۆەستيتسيا 459 ملرد تەڭگەنى، كوپپاتەرلى تۇرعىن ءۇي قۇرىلىسىنا — 702 ملرد تەڭگەنى قۇرادى. جەكە ينۆەستيتسيالار ەسەبىنەن 5،7 ملن م² نەمەسە 39 مىڭنان استام جەكە تۇرعىن ءۇي، سونداي-اق 6،8 ملن م² نەمەسە 74 مىڭنان استام كوپ پاتەرلى تۇرعىن ءۇي پايدالانۋعا بەرىلدى. تۇرعىن ءۇيدى پايدالانۋعا بەرۋدىڭ ارتۋ دەڭگەيى رەسپۋبليكانىڭ بارلىق وڭىرلەرىندە بايقالادى.

2018 جىلى «نۇرلى جەر» مەملەكەتتىك باعدارلاماسىن جۇزەگە اسىرۋ قورىتىندىلارى تۋرالى ايتا كەلە، ۆيتسە-مينيستر باعدارلامانىڭ تۇرعىن ءۇي قۇرىلىسىنا قايتا ينۆەستيتسيا سالۋ جانە قايتارۋ تەتىكتەرىن قاراستىراتىنىن ەسكە سالدى. بۇل باعدارلامانى ىسكە اسىرۋعا سالىنعان اقشا قايتارىمدى نەگىزدە ەلدىڭ تۇرعىن ءۇي قۇرىلىسىنا تۇراقتى تۇردە ينۆەستيتسيالاناتىنىن بىلدىرەدى.

«7-20-25» باعدارلاماسىنىڭ قابىلدانۋىنا بايلانىستى مەملەكەت باسشىسىنىڭ تاپسىرماسى بويىنشا 2019 جىلدان باستاپ قۇرىلىس الاڭدارىن ينجەنەرلىك كوممۋنيكاتسيالارمەن جابدىقتاۋدى قارجىلاندىرۋ سوماسى 80 ملرد تەڭگەدەن 100 ملرد تەڭگەگە دەيىن ارتتى.

«نۇرلى جەر» باعدارلاماسى اياسىندا جالعا بەرىلەتىن جانە كرەديتتىك تۇرعىن ۇيلەردى قارجىلاندىرۋ قاراستىرىلعان.

ق. وسكەنباەۆتىڭ ايتۋىنشا، «ساتىپ الۋسىز جالعا بەرىلەتىن تۇرعىن ءۇي قۇرىلىسى» باعىتى بويىنشا جىل سايىن 25 ملرد تەڭگەگە دەيىن بولىنگەن. 2019 جىلدان باستاپ قارجىلاندىرۋ 35 ملرد تەڭگەگە دەيىن ارتتى.

اكىمدىكتەر «كرەديتتىك تۇرعىن ءۇي قۇرىلىسى» باعىتى بويىنشا جوبالاردى قارجىلاندىرادى (رەۆولۆەرلىك نەگىزدە). جىل سايىن تۇرعىن ءۇي قۇرىلىسىنا 200 ملرد تەڭگە بولىنەدى. ونىڭ ايتۋىنشا، اتالعان باعىت اياسىندا تۇرعىن ءۇي قۇرىلىسى بۇدان بىلاي تەك قانا وسە بەرەدى.

«نۇرلى جەر» باعدارلاماسىنىڭ تاعى ءبىر باعىتى اياسىندا — «جەكە قۇرىلىس سالۋشىلاردىڭ تۇرعىن ءۇي سالۋىن ىنتالاندىرۋ» — «دامۋ» بانكى ارقىلى قۇرىلىس كومپانيالارىنىڭ تۇرعىن ءۇي قۇرىلىسىنا نەسيەلەرىن سۋبسيديالاۋ قاراستىرىلعان. سىياقى ستاۆكاسىنىڭ 7% سۋبسيديالانادى. ال بانكتەر بولسا 152 ملرد تەڭگەگە دەيىن قارىز بەردى.

««7-20-25» يپوتەكالىق باعدارلاماسى مەن «نۇرلى جەر»  باعدارلاماسى ءبىر-ءبىرىن تاماشا تولىقتىرۋدا. ەگەر «7-20-25» باعدارلاماسى تۇرعىن ءۇيدى ساتىپ الۋ ءۇشىن ادامدارعا قاراجاتقا قول جەتىمدىلىك بەرسە، «نۇرلى جەر» تۇرعىندارىمىزدى قولجەتىمدى باعامەن پاتەرلەرمەن قامتاماسىز ەتۋگە باعىتتالعان»، دەدى ق. وسكەنباەۆ.

ونىڭ ايتۋىنشا، «7-20-25» باعدارلاماسىن ءتيىمدى جۇزەگە اسىرۋ ءۇشىن «نۇرلى جەر» باعدارلاماسىنا تۇزەتۋلەر ەنگىزىلدى. «نۇرلى جەر» باعدارلاماسى بويىنشا اكىمدىكتەر سالعان تۇرعىن ۇيلەردى «7-20-25» باعدارلاماسىنا قاتىسۋشىلار مەن تۇرعىن ءۇي قۇرىلىس جيناق بانكىنىڭ سالىمشىلارىنا ءبىر مەزگىلدە ىسكە اسىرۋ جۇيەسى قاراستىرىلعان.

«ەگەر 2017 جىلى قازاقستاندا 11 ملن م² تۇرعىن ءۇي سالىنسا، 2018 جىلى – 12 ملن م² تۇرعىن ءۇي سالىدى، ال 2019 جىلى ءبىز 13 ملن م² تۇرعىن ءۇي سالۋدى جوسپارلاپ وتىرمىز. بۇل ءۇشىن بارلىق العىشارتتار بار. ولار جاقسى ساراپتاماعا نەگىزدەلگەن. مەنىڭ ويىمشا، ءبىز العا قويىلعان مىندەتتى ورىنداپ شىعامىز»، دەدى ق. وسكەنباەۆ.

سوڭعى جاڭالىقتار

؟ (سۇراق بەلگىسى) پوەما

ادەبيەت • بۇگىن، 16:23

تسەنزۋراسىز اباي

رۋحانيات • بۇگىن، 14:34

بقو: 108 مىڭ وقۋشى قاشىقتان وقيدى

ايماقتار • بۇگىن، 13:23

قىزىلوردا: ءبىر اپتانىڭ بايانى

ايماقتار • بۇگىن، 12:52

ۇقساس جاڭالىقتار