ەكونوميكا • 17 قاڭتار، 2019

30 ميلليارد تەڭگە كولەمىندە ايىپپۇل سالىنعان

234 رەتكورسەتىلدى

بىلتىر ماڭعىستاۋدا ەكولوگيالىق زاڭ تالاپتارىن بۇزعاندارعا 30 ميلليارد تەڭگە كولەمىندە ايىپپۇل سالىنعان. بۇل جونىندە وڭىرلىك كوممۋنيكاتسيالار قىزمەتى الاڭىندا وتكەن بريفينگتە ماڭعىستاۋ وبلىسى بويىنشا ەكولوگيا دەپارتامەنتى باسشىسىنىڭ مىندەتىن اتقارۋشى رۋسلان توكەنوۆ مالىمدەدى.

2018 جىلدىڭ قورىتىندىسى بويىنشا دەپارتامەنت تاراپىنان وبلىسىمىزدىڭ تابيعات پايدالانۋشىلار ءىس – شارۋاشىلىعىنا 56 تەكسەرۋ جۇرگىزىلىپ (8 جوسپارلى، 45 جوسپاردان تىس جانە 3 باقىلاۋدىڭ وزگە دە نىسانى بويىنشا)، 88 ەكولوگيالىق زاڭ تالاپتارىنىڭ بۇزىلۋ فاكتىسى انىقتالدى. ناتيجەسىندە، كىنالى تۇلعالارعا قاتىستى شامامەن جالپى سوماسى 30 ملرد.تەڭگەنى قۇرايتىن 142 اكىمشىلىك ىستەر قوزعالدى.

بۇگىنگى تاڭدا، سالىنعان ايىپپۇلداردىڭ 61،4 ملن تەڭگەسى مەملەكەت پايداسىنا ءوندىرىلدى، قالعان 29،7 ملرد تەڭگەنى مەملەكەت پايداسىنا ءوندىرۋ باعىتىنداعى قۇجاتتار زاڭ ورىندارىندا قارالۋدا.

سونىمەن قاتار، ەكولوگيالىق زاڭناما تالاپتارىن بۇزۋ سالدارىنان قورشاعان ورتاعا كەلتىرىلگەن زالالدى وتەۋ ماقساتىندا دەپارتامەنت تاراپىنان اعىمداعى جىلى 853،045 ملن تەڭگەنى قۇرايتىن 65 نۇسقاما بەرىلدى.

قازىرگى تاڭدا، مەملەكەت پايداسىنا 311،2 ملن. تەڭگەسى ءوندىرىلدى، ال قالعان سوممالار ماجبۇرلەپ ءوندىرۋ ءۇشىن سوت ورگاندارىندا قارالۋدا.

2018 جىلى جۇرگىزىلگەن تەكسەرىس قورتىندىسىمەن قورشاعان ورتاعا ەميسسيالارعا رۇقسات الماي، قورشاعان ورتاعا كەلتىرىلگەن زيانى ءۇشىن «سمك اتمەكەن»، «ازيامۋنايگرۋپپسەرۆيس»، «اكتاۋكەرامزيت»، «كيس اكتاۋ»، «سيرۋس كازاحستان»، «تسەمەن بەتون» جانە «ماڭعىستاۋمۋنايگاز» سىندى 7 مەكەمەنىڭ ءوندىرىس وشاقتارىنىڭ قىزمەتى سوت شەشىمدەرىمەن توقتاتىلعان.

بۇل باعىتتاعى جۇمىستار بيىلعى جىلى دا جالعاسۋدا.

گۇلايىم شىنتەمىرقىزى،

«ەگەمەن قازاقستان»

ماڭعىستاۋ وبلىسى

 

سوڭعى جاڭالىقتار

ەلباسى تالعات دوناقوۆتى قابىلدادى

قازاقستان • بۇگىن، 17:52

عارىشتاعى قوقىس (ۆيدەو)

ۆيدەو • بۇگىن، 13:08

ۇقساس جاڭالىقتار