«اتالعان فاكتى بويىنشا قاراعاندى وبلىستىق پوليتسيا دەپارتامەنتى تەرگەۋ باسقارماسىمەن قر قك 99 بابى 2 تارماعىندا كوزدەلگەن قىلمىس بەلگىلەرى بويىنشا سوتقا دەيىنگى تەرگەۋ جۇرگىزىلىپ جاتىر. بۇگىنگى كۇنى كەشەندى تەرگەۋ شارالارىنىڭ ناتيجەسىندە اتالعان قىلمىستى جاساۋعا قاتىسى بار بارلىق تۇلعالار انىقتالدى. قازىرگى ۋاقىتتا ولاردى ۇستاۋعا باعىتتالعان جۇمىستار جۇرگىزىلىپ جاتىر. قىلمىسكەرلەرمەن اراداعى قاقتىعىستا قازا تاپقان ينسپەكتوردىڭ تۋعان-تۋىستارى مەن جاقىندارىنا كوڭىل ايتامىز», - دەدى الماس سادۋباەۆ.
وسىدان بىرنەشە كۇن بۇرىن 5 كيىك اتقان براكونەرلەرمەن قاقتىعىستا اۋىر جاراقات العان «وحوتزووپروم» ءوب» رمقك ينسپەكتورى ەرلان نۇرعاليەۆ قايتىس بولعان ەدى. ال بۇگىن پارلامەنت ماجىلىسىندە تىلشىلەرگە باس پروكۋروردىڭ ورىنباسارى اندرەي لۋكين بۇل ءىستى باس پروكۋرور قايرات قوجامجاروۆ تىكەلەي باقىلاۋىنا العانىن ايتتى.
