قويىلعانىنا كوپ بولا قويماعان وسىناۋ ارت-وبەكت قالا قوناقتارى ءۇشىن سۋرەتكە تۇسەتىن كەرەمەت ورىن عانا ەمەس, وتكەن كۇننىڭ وشپەس بەلگىسىندەي كورىنەدى. ويتكەنى ادامزات تاريحىندا العاش رەت يۋري گاگارين قازاق دالاسىنان عارىشقا اتتانعان بولاتىن. جوبا اۆتورلارى − جۇرگەنوۆ اتىنداعى قازاق ونەر اكادەمياسىنىڭ ستۋدەنتتەرى ازامات قابىل مەن اقىلبەك شاكەن. جاس تۋىندىگەرلەرگە ءوز يدەياسىن ىسكە اسىرۋعا «BI Group» قۇرىلىس كومپانياسى قولداۋ كورسەتىپتى.
ء«بىزدىڭ ويىمىزشا, سكۋلپتۋرا قالا لاندشافتىمەن جاقسى ۇندەستىك تاۋىپ تۇر. شاھارىمىزدا مۇنداي نىساندار كوبەيىپ كەلەدى. ولاردىڭ ءاربىرىنىڭ قايتالانباس تاريحى مەن وزىنە ءتان ەرەكشەلىكتەرى بار. ونىڭ ۇستىنە بۇل جاس سۋرەتشىلەردىڭ قالىپتاسۋىنا وڭ ىقپال ەتەدى», – دەيدى ازامات قابىل.
بۇعان دەيىن الماتىداعى تولەباەۆ كوشەسىنىڭ بويىنا «كينو» توبىنىڭ ءسوليسى ۆيكتور تسويعا ەسكەرتكىش قويىلعان ەدى. بۇل دەستيناتسيا قازىر جاس مۋزىكانتتار مەن قالا قوناقتارى ءۇشىن ءجيى كەلەتىن ورىنعا اينالعان.
ارمان وكتيابر,
«ەگەمەن قازاقستان»
الماتى
