مىسالى, بالقاش قالاسىندا قاڭىراپ بوس تۇرعان كوپقاباتتى ءۇيدىڭ ءبىر كىرەبەرىسى 2017 جىلى كۇردەلى جوندەۋدەن وتكىزىلىپ, سونىڭ ناتيجەسىندە ەلىمىزدىڭ وزگە وڭىرلەرىنەن كەلگەن 18 جاس دارىگەر باسپانالى بولعان ەدى. قازىرگى ۋاقىتتا بۇل تاجىريبە وبلىس بويىنشا قاناتىن كەڭگە جايىپ, جالعاسىن ءساتتى تاۋىپ كەلەدى.
جاڭا جىلدان بەرى بالقاش قالاسىنىڭ تاعى 16 وتباسى قىزمەتتىك باسپاناعا يە بولىپ, قۋانىشقا بولەندى. بۇل جولى جاس ماماندارعا جەرگىلىكتى مەديتسينالىق كوللەدج جاتاقحاناسىنىڭ جايلى پاتەرلەرگە اينالدىرىلعان ءبىر قاباتىنان باسپانا بۇيىردى. مۇندا تۇرمىسقا قاجەتتى جابدىقتىڭ ءبارى بار: پاتەرلەر جيھازبەن, باسقا دا كەرەك-جاراقپەن مەكەمە اتىنان قامتاماسىز ەتىلگەن.
– ءبىز جولداسىمىز ەكەۋىمىز بالقاش قالاسىنا الماتىدان كەلدىك. مەن س.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىن ءتامامدادىم. قازىر جەرگىلىكتى ەمxانادا جالپى تاجىريبە دارىگەرى بولىپ قىزمەت ەتەمىن. ءبىز وقىپ جاتقان كەزدە جەرگىلىكتى ماماندار كەلىپ, جۇمىسقا شاقىرىپ, شارتتار تۋرالى ايتقان بولاتىن. ولار ۋادەلەرىن ورىندادى. ەڭ باستىسى, باسپانامەن قامتاماسىز ەتتى. پاتەر وتە جاقسى, جىلى, تەرەزەدەن كول كورىنىپ تۇرادى, – دەيدى جاس مامان ساندۋعاش ءابدازىموۆا قۋانىشىن جاسىرا الماي.
– وتكەن جىلدىڭ قىركۇيەك ايىندا بىزگە الماتى, استانا قالالارىنان, قازىرگى تۇركىستان وبلىسىنان جاس ماماندار كەلدى. ولار ورتالىق اۋرۋxانا, ەمxانا, پسيxونەۆرولوگيالىق ديسپانسەر سياقتى مەديتسينالىق مەكەمەلەرگە جۇمىسقا ورنالاستى. ءبىز جاس ماماندارعا ۋاقىتشا جالدامالى پاتەرلەر بەردىك, ال قازىر ولار جاتاقxانانىڭ بەسىنشى قاباتىنداعى جايلى پاتەرلەرگە قونىستانىپ جاتىر. مۇندا بارلىق جاعداي جاسالعان, تۇرعىندار تەك جالداۋ اقىسىن عانا تولەيدى, – دەيدى قاراعاندى وبلىستىق دەنساۋلىق ساقتاۋ باسقارماسىنىڭ بالقاش قالاسىنداعى اۋماقتىق وكىلەتتىلىك ءبولىمىنىڭ جەتەكشىسى شولپان قالىقبەكوۆا.
جاۋاپتى ماماننىڭ ايتۋىنشا, بالقاش قالاسى بويىنشا سالالىق مەديتسينا ماماندارىنا دەگەن قاجەتتىلىك ءالى دە كۇن تارتىبىنەن تۇسپەگەن. ماسەلەن, رەانيماتولوگ, نەۆرولوگ, اكۋشەر-گينەكولوگ, سونداي-اق جالپى تاجىريبە دارىگەرلەرى سياقتى ماماندىق يەلەرىنە سۇرانىس بار ەكەن. ء«بىزدىڭ بولاشاقتاعى جوسپارىمىز زور. بۇل ماسەلە تولىق شەشىمىن تاپقانىنشا, ءبىز باعدارلاما جوسپارى بويىنشا بۇل تاجىريبەنى ءارى قاراي جالعاستىرا بەرەتىن بولامىز», دەيدى ش.قالىقبەكوۆا.
قايرات ءابىلدا,
«ەگەمەن قازاقستان»
قاراعاندى وبلىسى
