روبەرت للويد شەللەنبەرگ ەسىرتكى كونترابانداسىمەن اينالىسقانى ءۇشىن 2014 جىلى سوت شەشىمىمەن 15 جىلعا سوتتالعان بولاتىن. كەيىنىرەك جەرگىلىكتى پروكۋراتۋرا بۇل شەشىم تىم جەڭىل جازا دەپ, ءىستى قايتا قاراعان. ناتيجەسىندە داليانداعى سوت كانادالىق ازاماتتى ءولىم جازاسىنا كەسۋ تۋرالى ۇكىم شىعاردى. مۇنداي اۋىر جازا شىعارعانى ءۇشىن كانادانىڭ پرەمەر-ءمينيسترى دجاستين تريۋدو داليان سوتىن ايىپتاۋدا. روبەرت للويد شەللەنبەرگتىڭ ۇكىمى كانادا مەن قىتاي اراسىنداعى ديپلوماتيالىق قارىم-قاتىناستى ودان ارى ناشارلاتا ءتۇستى.
«قىتايدىڭ ەركىن تارتىپتە مۇنداي اۋىر جازا شىعارعانى ءبىزدى الاڭداتادى» دەدى كانادا پرەمەر-ءمينيسترى.
قىتاي مەن كانادا اراسىنداعى شيەلەنىس بۇعان دەيىن دە بولعان. كوپتەگەن بولجام بويىنشا قىتاي تاراپىنىڭ روبەرت للويد شەللەنبەرگكە اۋىر جازا شىعارۋى 1 جەلتوقساندا كانادادا Huawei Technologies قارجى ديرەكتورى مەن ۆانچجوۋدى تۇتقىنداۋمەن بايلانىستى دەپ وتىر.
