ەگەر بۇل جايتتار ۋاقىتىندا ورىندالماسا, تۇرعىندار تاراپىنان ءتۇرلى تۇسىنبەۋشىلىكتەر تۋىنداۋى مۇمكىن. سوندىقتان تولعاقتى الەۋمەتتىك-تۇرمىستىق ماسەلەلەردى دەر كەزىندە رەتتەۋدىڭ ماڭىزى مەن ءرولى جوعارى. وسى ماقساتتا وڭىردە «وزەكتى ماسەلەلەر كارتاسى» قۇرىلدى. سوعان سايكەس ءتيىستى تالداۋلار مەن زەرتتەۋ جۇمىستارى جۇرگىزىلىپ كەلەدى. قۇجاتقا كوز سالساق, قازىرگى كەزدە شۇعىل شەشۋدى قاجەت ەتەتىن 72 وزەكتى ماسەلە بار ەكەنىن كورۋگە بولادى. ونىڭ دەنى تۇرعىن-ءۇي كوممۋنالدىق شارۋاشىلىعىنا قاتىستى بولسا, كەلەسى كەزەكتەگى وزەكتى ماسەلەلەر تىزبەگىن اۆتوكولىك جولدارىنا قاتىستى تۇيتكىلدەر قۇرايدى. سونىمەن بىرگە تۇرعىن ءۇي قۇرىلىسى, مادەنيەت, سپورت جانە دەنساۋلىق ساقتاۋ سالالارىندا دا تۇبەگەيلى شەشىمىن تاۋىپ ۇلگەرمەگەن ماسەلەلەر بار ەكەنى ايقىن كورىنەدى. ونىڭ كولەمى 22 پايىزدىق كورسەتكىشكە ءتان.
كارتاعا قاراپ كوپ جايتتى كوڭىلگە توقۋعا بولادى. وڭىردەگى وزەكتى ماسەلەلەردىڭ قازىرگى جاعدايىن وي بەزبەنىنەن وتكىزۋگە دە مۇمكىندىك مول. ەڭ باستىسى, ايماقتا كارتانىڭ كومەگىمەن شەشىمىن كۇتكەن ماسەلەلەردى جەدەل ءارى كورنەكى تۇردە باقىلاۋعا جول اشىلعان. سودان سوڭ ءتيىستى قۇزىرلى ورگانداردىڭ نازارىنا بەرىلەدى. ءوز كەزەگىندە ولار رەسۋرستاردىڭ كولەمى مەن ءىستىڭ ورىندالۋ مەرزىمىن ايقىنداپ, ناقتى شەشىم قابىلدايدى.
ايتالىق, ايماقتا اۋدان ورتالىقتارى مەن قالالاردىڭ كارتاسىن جاساقتاۋدىڭ باستاپقى كەزەڭىندە 14 ماسەلە بولدى ءارى ونىڭ شەشىمى بيۋدجەت قاراجاتىن بولۋگە بايلانىستى ورىستەدى. بۇگىندە ونىڭ جەتەۋى وڭ شەشىمىن تاپقانى بەلگىلى بولىپ وتىر. اتاپ ايتقاندا, اتالعان جوبالار بويىنشا 2,4 ميلليارد تەڭگە بيۋدجەت قاراجاتى ءبولىندى. سونىمەن بىرگە 2019 جىلى جۇزەگە اساتىن جوبالارعا 894,3 ميلليون تەڭگە, سونداي-اق 2020 جىلى اتقارىلاتىن جوبالارعا 490,6 ميلليون تەڭگە ءبولۋ قاراستىرىلعان. قىسقاسى, بۇگىندە وڭىردەگى جەرگىلىكتى اتقارۋشى ورگاندار, سونىڭ ىشىندە وبلىستىق باسقارمالار مەن اۋداندىق اكىمدىكتەر كارتادا كورسەتىلگەن ماسەلەلەردى شەشۋگە ءبىر كىسىدەي جۇمىلعان. مۇنداعى باستى ۇستانىم – ورىن العان وزەكتى ماسەلەلەردى قويان-قولتىق ءوزارا بىرلەسىپ شەشۋ.
تەمىر قۇسايىن,
«ەگەمەن قازاقستان»
اقتوبە
