ورال قالاسىنىڭ مامانداندىرىلعان اكىمشىلىك سوتى «تۇنگى سوت» پيلوتتىق جوباسى جۇزەگە اسىرىلىپ جاتقان 20 كۇن ىشىندە 62 اكىمشىلىك ءىس قاراعان. بۇل ىستەردىڭ 15-ءى – وتباسىلىق جانە تۇرمىستىق قاتىناستارعا, ال 38-ءى – جول-كولىك وقيعاسىنا قاتىستى ەكەن.
- سونداي-اق قارالعان ىستەردىڭ ىشىندە ۇساق بۇزاقىلىق, جۇرگىزۋشىنىڭ كولىكتى ماس كۇيدە باسقارۋى سەكىلدى فاكتىلەر دە بار, – دەيدى باتىس قازاقستان وبلىستىق سوتىنىڭ ءباسپاسوز حاتشىسى ەلميرا ەسەنعاليەۆا.
اكىمشىلىك قۇقىقبۇزۋشىلىقتار بويىنشا ءىس جۇرگىزۋ راسىمدەرىن جەڭىلدەتۋ, ماسەلەلەردى قىسقا ۋاقىت ىشىندە شەشۋ, سوت داۋىن تاراپتاردىڭ جۇمىس ۋاقىتىنان بولەك, ياعني كەشكى مەزگىلدە شەشۋ ارقىلى ولاردىڭ ۋاقىتىن ۇنەمدەۋ سەكىلدى يگى نيەتتەن تۋعان «تۇنگى سوت» جوباسى اق جايىق وڭىرىندە دە قاناتىن جايىپ كەلەدى. ورالدا كەي كۇندەرى كەشكى ساعات 18-دەن 22 ساعاتقا دەيىن قارالعان ىستەردىڭ سانى 12-گە جەتتى. جالپى ورتا ەسەپپەن كۇن سايىن 3-6 ءىس تۇندە قارالادى. ارينە, سوت اكىمشىلىك قۇقىق بۇزۋشىلىق ىستەردى قاراۋ كەزىندە مەدياتسيا ينستيتۋتىن دا كەڭىنەن قولدانىپ وتىر. ماسەلەن وتباسىلىق جانە تۇرمىستىق قاتىناستار سالاسىنداعى قارالعان 9 قۇقىقبۇزۋشىلىق ءىس تاراپتاردىڭ تاتۋلاسۋىنا بايلانىستى توقتاتىلعان.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان
