ن.نازارباەۆ: اقش قازاقستانمەن بايلانىسىن ارتتىرۋعا ىنتالى

  - امەريكا قۇراما شتاتتارىما بارعان ساپارىمدى تاريحي وقيعا دەگەنمەن كەلىسە المايمىن. ويتكەنى, بۇل - قازاقستان تاۋەلسىزدىك العان جىلدار ارالىعىنداعى اقش-قا جاساعان ون ءبىرىنشى ءىس-ساپارىم. اقش-تىڭ بەس پرەزيدەنتىمەن كەزدەستىم. امەريكاعا جاساعان التىنشى رەسمي ساپار. ايتا كەتەرلىگى, دونالد ترامپتىڭ ۇستانىمى وزگەشە. ونىڭ ويى "كەلىسسوزدەردىڭ ناتيجەلەرى امەريكا ءۇشىن پايدالى بولۋى كەرەك" دەگەن بيزنەسمەندەردىڭ پىكىرىمەن سايكەس كەلەدى

ول باق وكىلدەرىمەن قارىم-قاتىناستى جاقسارتىپ, وزگەشە جاعداي جاساپ, ەڭ باستىسى كاسىپكەرلەرمەن ەتەنە جاقسى ارالاسا بىلەدى. اقش - بۇگىنگى تاڭدا الەمدەگى ەڭ ۇلكەن دەرجاۆالاردىڭ ءبىرى. ەكونميكالىق جانە اسكەري قاۋىپسىزدىگى جاعىنان مىقتى سانالادى. بۇل - ءبىز مويىندايتىن فاكت, - دەدى ەلباسى.

سونىمەن قاتار ساپار بارىسىندا اق ءۇي باسشىسىمەن جاقسى تۇسىنىسكەنىن دە اتاپ ءوتتى.

- بۇعان دەيىن دە ءبىز ەكى رەت تەلەفون ارقىلى دا بايلانىسقانبىز. ودان كەيىن ونىڭ ارابتارمەن بولعان كەزدەسۋىندە دە جولىعىسقان بولاتىنبىز. ەكى ەل پرەزيدەنتىنىڭ اراسىنداعى "xيميالىق" بايلانىستىڭ بىردەن ءبىر سەبەبى ەكى ساياساتكەردىڭ ءبىرىن ءبىرى جاقسى تۇسىنۋىندە.

ءبىزدىڭ اقش-پەن ارا قاتىناسىمىز جاقسى. بۇگىندە ەكى ەل اراسىندا شەشىمىن تاپپاي قالعان ماسەلەلەر جوق. بىزگە سالىنعان ينۆەستيتسيا كولەمى 40 ميلليارد دوللاردان اسادى. سونداي-اق ەكسترەميستىك قىلمىسقا قارسى بىرلەسە جۇمىستار اتقارىپ كەلەمىز. ارقاشان ورتاق ءتىل تابىسامىز. امەريكالىقتار بىزبەن اراداعى ىنتىماقتى نىعايتىپ, ودان ءارى دامىتا تۇسۋگە ىنتالى, - دەدى مەملەكەت باسشىسى.