مەملەكەتتىك باعدارلامالاردىڭ 2018 جىلى ورىندالىسى تۋرالى ماڭعىستاۋ وبلىستىق ماسليحاتىنداعى «نۇر وتان» پارتياسى دەپۋتاتتىق فراكتسياسىنىڭ جەتەكشىسى نۋري تۋمىشەۆ بايانداما جاسادى. ايتۋىنشا, «نۇر وتان» پارتياسى ماڭعىستاۋ وبلىستىق فيليالى جەرگىلىكتى اتقارۋشى ورگاندارمەن بىرلەسە وتىرىپ, اعىمداعى جىلدىڭ مامىر ايىنان باستاپ پارتيانىڭ باستاماشىل جوبالارىن ىسكە اسىرۋعا كىرىستى. ماسەلەن, پارتيانىڭ باستاماسىمەن «بالالار ءۇشىن اقىسىز ءىت-سىنىپتار» جوباسى اياسىندا ەۋروپالىق ءبىلىم بەرۋ ستاندارتتارى بويىنشا قاراپايىم الگوريتمدەر جاساۋ, باعدارلامالار, WEB-سايتتار, كومپيۋتەرلىك ويىندار مەن انيماتسيالار قۇرۋ داعدىلارى ۇيرەتىلمەك.
وڭىرىمىزدە 35 ءىت-سىنىپتارى اشىلىپ, وندا 8 جاس پەن 16 جاس ارالىعىنداعى بارلىعى 1136 (جوسپار بويىنشا 1000) بالا قوسىمشا ءبىلىم الىپ, روبوتوتەحنيكامەن اينالىسۋدا. جوبا جەرگىلىكتى بيۋدجەتتەن جانە دەمەۋشىلىك قاراجاتتاردان قارجىلاندى. 2019 جىلى وسىنداي 50 ءىت-سىنىپ اشىلۋى جوسپارلانىپ وتىر.
ء«ىت مامانداردى دايىنداۋ» جوباسى بويىنشا وسى جىلى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىمەن جوسپار بويىنشا 21 مامان دايىنداۋ كوزدەلگەن بولسا, ءىس جۇزىندە 53 مامان دايىندالدى. پارتيانىڭ ء«ىت - ورتالىقتار» جوباسى اياسىندا «Yessenov University» بازاسىندا زەرتحانا اشىلىپ, وندا ستۋدەنتتەر ءۇشىن لابوراتوريالىق ساباقتار, وقىتۋشىلار ءۇشىن بىلىكتىلىگىن ارتتىرۋ كۋرستارى, باكالاۆرلار مەن ماگيسترلاردىڭ كۋرستىق جانە ديپلومدىق جوبالاۋ بويىنشا كەڭەستەر ءوتۋى, بولاشاق ءىت– مامانداردى وقىتۋ كۋرستارىنىڭ ۇيىمداستىرىلۋى جوسپارلانعان.
پارتيانىڭ «رۋحاني جاڭعىرۋ» شەڭبەرىندەگى جوبالارىنىڭ ءبىرى كىتاپحانالارعا قاتىستى. ەلىمىزدىڭ كىتاپحانالارىن زاماناۋي وقۋ ورتالىعى رەتىندە قالىپتاستىرۋ ماقساتىندا «نۇر وتان» پارتياسى ماڭعىستاۋ وبلىستىق فيليالى مەن وبلىستىق مادەنيەت باسقارماسىمەن بىرلەسىپ, كىتاپحانا قورىن تسيفرلاندىرۋدى قولعا الدى. جاڭا اقپاراتتىق تەحنولوگيالار كەڭىنەن پايدالانىلىپ, وقىرماندار وسى جەردەگى كىتاپحانادا وتىرىپ, دۇنيەجۇزىندەگى كىتاپ قورىنا قول جەتكىزۋىنە مۇمكىندىك الادى.
«قازاقستان كىتاپحانالارى - ءبىلىم ورتالىقتارى» پارتيالىق جوباسى اياسىندا وبلىستاعى 4 كىتاپحانادان: اقتاۋ ورتالىق قالالىق كىتاپحانادا, بەينەۋ اۋداندىق كىتاپحانادا, تۇپقاراعان اۋدانى فورت-شەۆچەنكو قالاسىنداعى كىتاپحانادا, اعىمداعى جىلى قاراشا ايىنىڭ 28-كۇنى جاڭاوزەن قالالىق كىتاپحانادا, بارلىعى 4 كوۆوركينگ- ورتالىعى اشىلىپ, جاستار بوس ۋاقىتتارىن, ءىس-شارالارىن سوندا وتكىزۋدە.
- شاعىن جانە ورتا بيزنەستى قولداۋ ماقساتىندا پارتيا تاراپىنان «بيزنەس ءۇشىن گەواقپاراتتاندىرىلعان ونلاين سەرۆيسى» جاڭا جوباسى ىسكە قوسىلىپ, قولداۋ تاپتى. ونىڭ ماقساتى: جالپى ەل بويىنشا كوممەرتسيالىق تۇرعىدان ۇسىنىلاتىن بوس جەر ۋچاسكەلەرى تۋرالى ولاردىڭ ورنالاسقان جەرىمەن, ينفراقۇرىلىمعا قوسۋ شارتتارىمەن, اۋكتسيوندارعا قاتىسۋ سياقتى اقپاراتتارعا قول جەتكىزۋ ءۇشىن ماڭعىستاۋ وبلىسىنىڭ اكىمدىگىمەن بىرلەسە وتىرىپ, ناقتى جەلىلىك كەستە قۇرىلىپ, بەكىتىلدى.
وڭىرلەردەگى مەملەكەتتىك-جەكەمەنشىك سەرىكتەستىكتى كەڭەيتۋ اياسىندا «مەكتەپتەردىڭ سپورت الاڭدارىن قايتا قۇرۋ» جانە «مەكتەپ اسحانالارىن جاڭعىرتۋ» جوبالارى بويىنشا 2018 جىلى وبلىس بويىنشا 9 مەكتەپتىڭ الاڭى جاڭارتىلىپ, مەكتەپ اسحاناسى سياقتى م ۇلىك باسقارۋشىعا سەنىمگەرلىكپەن كەمىندە 5 جىلعا جالعا بەرىلەتىن بولادى. جاڭارتىلاتىن 9 سپورت الاڭىنىڭ جەتەۋى اقتاۋ قالاسىندا, بىرەۋى جاڭاوزەن قالاسىندا بولسا, ەندى بىرەۋى ماڭعىستاۋ اۋدانىندا. پارتيانىڭ مەكتەپ اسحاناسىنا ءجىتى كوڭىل اۋدارۋىنىڭ باستى ماقساتى – مەكتەپ وقۋشىلارىنىڭ دۇرىس تاماقتانۋىن قامتاماسىز ەتۋ. بۇل جوبا بويىنشا وبلىستا 10 مەكتەپ اسحاناسىنىڭ قۇجاتتارى ازىرلەنۋ ۇستىندە, دەدى ن.تۋمىشەۆ.
ينتەراكتيۆتى گيمناستيكا, سالاۋاتتى تاعامدانۋ مەن العاشقى كومەك كورسەتۋدىڭ «بەس مينۋت ۇزىلىستەرى» - «تومەنگى سىنىپ وقۋشىلارى ءۇشىن دەنساۋلىق ساباقتارى» اتتى جوباسىندا وسى مەملەكەتتىك-جەكەمەنشىك سەرىكتەستىكتى كەڭەيتۋ ماقساتىندا جۇرگىزىلىپ وتىر.
«ۇشتىلدىككە كوشۋ» جوباسىن ىسكە اسىرىلۋى ماۋسىم ايىنان باستالىپ, بالالاردىڭ جازعى دەمالىستارى كەزدە, جازعى لاگەرلەردە باستالدى. وبلىس بويىنشا 87 مەكتەپتە ورنالاسقان وقۋشىلاردىڭ جازعى دەمالىس ورنىندا, سونداي-اق قالا سىرتىنداعى «بالداۋرەن», «الاۋ» جانە «فلامينگو» اتتى اقتاۋ قالاسىنداعى لاگەرلەر جانە جاڭاوزەن قالاسىنداعى «اقبوبەك» لاگەرىندە بالالار اعىلشىن ءتىلىن ۇيرەنۋگە 4800 بالا مۇمكىندىك الدى.
سونداي-اق, وسى جوبا اياسىندا پارتيا «English for Jastar» جوبانى وڭدەپ, ول بويىنشا جاڭاوزەن قالاسىندا, بەينەۋ, ماڭعىستاۋ, مۇنايلى, قاراقيا, تۇپقاراعان اۋداندارىندا تۇراتىن جەرگىلىكتى اۋىل بالالارىنا ەرىكتىلەر كۇشىمەن اعىلشىن ءتىلىن ۇيرەتۋ كۋرستارى ۇيىمداستىرىلدى. 10 جەرگىلىكتى ەرىكتىلەر 524 بالانى اعىلشىن تىلىنە وقىتىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
