بۇل شارا رەسپۋبليكالىق «قايىرىمدىلىق كەرۋەنى» اكتسياسى اياسىندا ۇيىمداستىرىلىپ وتىر. ورالداعى «دوستىق ءۇيى» الدىنان باستاۋ العان كەرۋەنگە ءسات ساپار تىلەگەن باتىس قازاقستان وبلىسى اكىمىنىڭ ورىنباسارى عابيدوللا وسپانقۇلوۆ شاراعا قاتىسۋشىلاردى جاڭا جىلمەن قۇتتىقتاپ, بۇل ءىستىڭ ماڭىزدىلىعىن اتاپ ءوتتى.
ايتا كەتەيىك, اكتسيا اياسىندا ورال قالاسىنىڭ از قامتىلعان جانە قامقورلىققا مۇقتاج 70 وتباسىنا قولداۋ كورسەتىلدى. باتىس قازاقستان وبلىسى اكىمى اپپاراتىنا قاراستى «قوعامدىق كەلىسىم» مەكەمەسى قىزمەتكەرلەرى, «جاڭعىرۋ جولى» جاستار قوزعالىسى ەرىكتىلەرى جانە اياز اتا مەن اقشاقار وتىرعان 5 «گازەل» اۆتوكولىك كەرۋەنى جەرگىلىكتى مەتسەناتتاردان جانە قاراپايىم قالا تۇرعىندارىنان جينالعان جاڭاجىلدىق سىيلىقتى قامكوڭىل جاندارعا تاراتتى.
قازبەك قۇتتىمۇرات ۇلى,
«ەگەمەن قازاقستان»
سۋرەتتى تۇسىرگەن رافحات حالەلوۆ
باتىس قازاقستان
