گەولوگ اۋىلدىق وكرۋگىندە كوشەلەردى جارىقتاندىرۋ پروبلەماسى بەلسەندى تۇردە شەشىلۋدە. جاقىندا گەولوگ اۋىلىندا 62 ءۇيدىڭ اۋلالارىندا جارىقديودتى شامداردى ورناتۋ جوباسى اياقتالدى.
- ءبىز ەكى اپتا بويى ۇنەمدەلگەن بيۋدجەت قاراجاتى ەسەبىنەن اۋلالاردى جارىقتاندىرۋدى جۇرگىزدىك. ۇيلەرگە شامداردى ورناتۋدى جك «بەكجان» جۇزەگە اسىردى , - دەيدى گەولوگ اۋىلدىق وكرۋگىنىڭ اكىمى قۋاندىق جاقياليەۆ.
جوبا شەڭبەرىندە 35 ەلۋ ۆاتت جانە 75 ۆاتت ەنەرگيانى ۇنەمدەيتىن ەلەكترودتار ساتىپ الىندى. ولار ۇيلەر مەن الەۋمەتتىك مەكەمەلەردىڭ الدىنا ورناتىلدى.
- 2018 جىلى گەولوگ اۋىلدىق وكرۋگتە مەملەكەتتىك-جەكەمەنشىك سەرىكتەستىك شەڭبەرىندە بەس كوشەنى قامتيتىن 3,3 كم كوشە جارىقتاندىرىلدى. جاڭا جىلدا ءبىز ءمجا شەڭبەرىندە تاعى 6 كوشە جارىقتاندىرۋدى جوسپارلاپ وتىرمىز, - دەپ ءتۇسىندىردى قۋاندىق جاقياليەۆ.
ايتا كەتەيىك, «اتىراۋداعى كوشەلەردى جارىقتاندىرۋ جەلىلەرىن سالۋ جانە پايدالانۋ» 2017 جىلدان باستاپ مەملەكەتتىك-جەكەمەنشىك ارىپتەستىك اياسىندا جۇزەگە اسىرىلادى. 2019 جىلى ەكى قوسىمشا ءمجا جوبالارى اياسىندا 192 قالالىق كوشەگە جارىق بەرۋدى قامتاماسىز ەتۋ جوسپارلانۋدا.
