بەلگىلى اۋدارماشى, جازۋشى تورەگەلدى تۇياقباەۆ جۇرگىزگەن جيىنعا پروفەسسور شەرۋباي قۇرمانباي ۇلى, جازۋشى وراز قاۋعاباي, زافەر كيبار, وڭايشا ماندوكي, شىڭعىس مۇقان قاتىستى.
«قوجاناسىر جىرلايدى» كىتابى – تۇرىك جازۋشىسى ماحمۇت كايانىڭ 2017 جىلى جارىق كورگەن سالجۇق ءداۋىرى ستيلىندە جازىلعان كىتابىنىڭ اۋدارماسى. جاڭا كىتاپ ماقساتى – قازاق حالقىنىڭ كوركەم جانە ادەبي قۇندىلىعىن, سونداي-اق ادام ومىرىندەگى فولكلورلىق شىعارمالارمەن تانىستىرۋ.
تۇركى حالقىنىڭ اۋىز ادەبيەتىنىڭ كورنەكتى كەيىپكەرلەرىنىڭ ءبىرى ءھام بىرەگەيى – قوجاناسىر. ول تۇركيانىڭ اقشەحير قالاسىندا دۇنيەگە كەلگەن. اۆتوردىڭ ايتۋىنشا, كىتاپتا قوجاناسىردىڭ بىزگە بەلگىلى جانە بەلگىسىز ازىلدەرى ولەڭ فورماتىندا ۇسىنىلعان. ولەڭدەر جاتتالۋعا وڭاي, سوندىقتان حالىق اراسىندا تەز تارايتىنىنا سەنەتىنىن جاسىرمادى. كىتاپتا قوجاناسىردىڭ ءومىرى, تۋعان جەرى تۋرالى دا اقپارات بەرىلگەن. تۇركى اۋىز ادەبيەتىن جاستارعا دارىپتەۋ ماقساتىندا جارىق كورگەن كىتاپ ادەمى سۋرەت-يلليۋستراتسيالارمەن كوركەمدەلگەن.
مارجان ەرشۋ «پىراق», «الامان», «شىراق» كىتاپتارىنىڭ اۆتورى. سونىمەن قاتار, نوبەل سىيلىعىنىڭ لاۋرەاتى ورحان پامۋكتىڭ «سەزىم مۋزەيى» رومانىن قازاقشاعا اۋدارعان.
