سۋرەتتى تۇسىرگەن: ۆالەري بۋگاەۆ
كاسىپورىنعا يننوۆاتسيالىق وزگەرىس كەلدى. مەتالدى بالقىتىپ, ودان دوڭعالاقتار قۇيىپ شىعارۋ ءىسى بىرنەشە ساتىدان تۇرادى. جۇمىسى اۆتوماتتاندى تۇردە جۇرگىزىلەدى. روبوتتاردى وپەراتورلار كومپيۋتەر ارقىلى باسقارادى.
باسقارما باسشىسى داۋلەت سىزدىقوۆتىڭ ايتۋىنشا,تەمىرجول دوڭعالاقتارىن جاسايتىن جوبانىڭ جالپى قۇنى 54 ملرد. تەڭگە. ونىڭ 36 ملرد. تەڭگەسى قازاقستاننىڭ دامۋ بانكى ارقىلى قارجىلاندىرىلعان.
جوبانىڭ جۇزەگە اسىرىلۋ-ەلىمىزدىڭ شيكىزاتتىق ەمەس ەكونوميكاسىن دامىتۋ ءۇشىن ماڭىزدى. يمپورتتى الماستىرۋ, ەكسپورتتىق الەۋەت جانە ەاەو ەلدەرىندەگى ۇقساس وندىرىستەرمەن سالىستىرعاندا جوعارى ونىمدىلىك سياقتى ءۇش قۇرامداسى بار.
تەمىرجول جەلىسى دامىعان ەلدەردىڭ ەلىمىزگە گەوگرافيالىق جاعىنان جاقىن ورنالاسۋى نازارعا الىنعان. تەمىرجول دوڭعالاقتارىنا دەگەن سۇرانىسىن ارتتىرادى. شەتەلدىك نارىققا دا جىبەرۋ جوسپارلانۋدا.
كاسىپورىن جىلىنا 200 مىڭ دوڭگەلەكتەرىن جاساپ شىعارۋدى جوسپارلاۋدا.
– بۇل ءوندىرىس بۇرىن قازاقستاندا بولماعان. بۇعان دەيىن تەمىر جول قۇرامدارىنا قاجەتتى دوڭعالاقتاردى يمپورتتاپ كەلگەن ەدىك. وسى تەكتەس وندىرىستەردىڭ ىسكە قوسىلۋىن كوپ كۇتتىك. بۇل - ەلىمىزدەگى يندۋستريالاندىرۋ باعىتىنداعى ماڭىزدى قادام, - دەپ ەلباسى بيىلعى تەلەكوپىر بارىسىندا جاقسى باعا بەردى.
ءوندىرىس ماماندارىنىڭ ايتۋلارىنشا, 700 مم-دەن 1 250 مم دەيىنگى ءارتۇرلى ديامەترلەر مەن كونسترۋكتسيالارداعى بولىكتەر تەمىر جول دوڭعالاقتارىنا شىعارادى. تسەحتاردا ورناتىلعان جوعارى تەحنولوگيالى جابدىقتار دوڭگەلەكتەردىڭ ساپالى جاسالۋىنا مۇمكىندىك بەرەدى.
دوڭعالاقتاردىڭ ساپاسى اۆتوماتتاندىرىلعان ۋلترادىبىستىق جانە ماگنيتتى-ۇنتاقتىق باقىلاۋ جانە بارلىق ەلەمەنتتەر بويىنشا قاتتىلىعىن ولشەۋ قوندىرعىلارىندا باقىلانادى.
الداعى 2019 جىلدىڭ ءبىرىنشى جارتى جىلدىعىندا كاسىپورىن تولىق ىسكە قوسىلادى.
فاريبا بىقاي,
«ەگەمەن قازاقستان»
ەكىباستۇز
