كلۋب مۇشەلەرى تولعاقتى ويلارىن ورتاعا سالدى. «قازاق پەن كلۋبىنىڭ» تىكەلەي ارالاسۋىمەن جانە قارجىلىق دەمەۋشىلىگىنىڭ ارقاسىندا شەتەلدە جارىق كورگەن قازاق قالامگەرلەرىنىڭ شىعارمالارى تۋرالى پىكىرلەر جينالعانداردىڭ كوڭىلىنەن شىقتى. بۇل باستاما الداعى ۋاقىتتا دا جالعاسىن تاپسا دەگەن نيەتتەرىن ءبىلدىردى. ەندىگى كەزەكتە شەت تىلىنە اۋدارىلاتىن تۋىندىلار الدىن الا تالقىلاۋدان وتكىزىلەتىن بولىپ شەشىلدى.
قوعامدىق بىرلەستىك توراعاسى ب.عابدۋللين جىل ىشىندە اتقارىلعان جۇمىستارعا ەسەپ بەردى. ەسەپ بىرلەستىك مۇشەلەرى تاراپىنان قاناعاتتانارلىق دەپ باعالانىپ, كوپشىلىك داۋىسپەن ب.عابدۋللين توراعالىققا قايتا سايلاندى.
وتىرىستىڭ قىزىعى پەن كلۋبتىڭ ءداستۇرلى لاۋرەاتتارىن انىقتاۋ ەدى. التى-جەتى قالامگەردىڭ شىعارماشىلىق الەۋەتى, شىعارمالارىنىڭ بۇگىنگى تالاپتارعا ساي كەلۋى جانە وقىرمانداردىڭ تالعام-تارازىسىنان ءوتۋى دەگەن سەكىلدى ولشەمدەر جان-جاقتى سارالاندى. قورىتىندىسىندا جازۋشى قۋانىش جيەنباي مەن ورىس تىلىندە جازاتىن قالامگەر, اۋدارماشى اسلان جاقسىلىقوۆ «م. اۋەزوۆ», «م.ماقاتاەۆ» مەدالدارىمەن ماراپاتتالىپ, سىيلىقتىڭ لاۋرەاتتارى دەپ تانىلدى.
«ەگەمەن-اقپارات»
