جۇلدە قورى 3,7 ميلليون تەڭگەنى قۇراعان ايتۋلى دودادا رەسپۋبليكامىزدىڭ 14 جانە شەت مەملەكەتتەردەن كەلگەن 6 ويىنشى باق سىنادى. ەرلەر اراسىندا رەسەيلىك دميتري حەگاي توپ جارسا, اقتوبەلىك ارىستانبەك ورازاەۆ پەن پاۆلودارلىق دەنيس ماحنيوۆ جۇلدەگەرلەر قاتارىنان كورىندى.
ايەلدەر سايىسىندا تارازدىق ءمادينا داۋلەتباەۆا دارا شىقسا, پاۆلودارلىق كريستينا كيم مەن استانالىق دانا تولەەۆا ەكىنشى جانە ءۇشىنشى ورىندى ءوزارا ءبولىستى. جەڭىمپاز اتانعان قوس ويىنشىعا 400 000 تەڭگەدەن سىياقى تابىس ەتىلدى.
جاس ورەندەردىڭ جارىسى استانالىق نوگەربەك قازىبەك پەن الماتىلىق اسەل لەسبەكوۆانىڭ جەڭىسىمەن اياقتالدى. ولار 100 000 تەڭگەگە يەلىك ەتتى. سونىمەن قاتار, جاسوسپىرىمدەر سايىسىندا باس جۇلدەنى ولجالاعان شاحماتشىلار كەلەسى جىلى قازاقستان چەمپيوناتىنىڭ فينالدىق باسەكەسىندە جانە ءوز قاتارلاستارى اراسىندا وتەتىن الەم بىرىنشىلىگىندە كۇش سىناسۋ قۇرمەتىنە يە بولدى.
عالىم سۇلەيمەن,
«ەگەمەن قازاقستان»
