«استانا وپەرا» بالەت ترۋپپاسىنىڭ كوركەمدىك جەتەكشىسى – رەسەيدىڭ حالىق ءارتىسى التىناي اسىلمۇراتوۆا. كارلو فەليچە تەاترىنىڭ سيمفونيالىق وركەسترى مەن حورى «استانا وپەرانىڭ» دارىندى ديريجەرى ارمان ورازعاليەۆتىڭ جەتەكشىلىگىمەن ونەر كورسەتتى.
«ششەلكۋنچيك» سپەكتاكلىنىڭ 6 قويىلىمىنا دا بيلەتتەر گاسترول باستالعانعا دەيىن ساتىلىپ كەتتى. عاجاپ كورىنىستى بالەت سان ءتۇرلى اۋديتورياعا ارنالعان. زالدا بالەت ونەرىنىڭ ناعىز باعالاۋشىلارى دا, تاماشا تەاتر الەمىنە جاڭا قادام باسقان جاس كورەرمەندەر دە بولدى. يتالياندىقتار دۋالانعان حانزادا تۋرالى بالەتتى زور سۇيىسپەنشىلىكپەن قابىل الدى.
كورەرمەندەر اۋقىمدى دەكوراتسيالارعا, شەبەرلىكپەن جاسالعان بۋتافوريا مەن ساحنانىڭ ەڭ قۇندى جابدىعى – كورەرمەندەردىڭ كوز الدىندا ءوسىپ شىققان الىپ شىرشا اعاشىنا ءوز باعاسىن بەردى, ونىڭ جانىندا بالەرينالار تاڭعاجايىپ ەرتەگىدەگى جاس بالالار سياقتى كورىندى.
وسى كەشتە ءماريدىڭ پارتياسىن قازاقستاننىڭ ەڭبەك سىڭىرگەن قايراتكەرى ايگەرىم بەكەتاەۆا كەرەمەت ورىنداپ شىقتى. ششەلكۋنچيك-حانزادانىڭ ءرولىن قازاقستاننىڭ ەڭبەك سىڭىرگەن قايراتكەرى باقتيار ادامجان شەبەرلىكپەن سومدادى. ششەلكۋنچيك-قۋىرشاق – انەل ەسقاليەۆا, تىشقان پاتشاسى – جانىبەك يمانقۇلوۆ, دروسسەلمەيەر – يلدار شاكيرزيانوۆ, فريتس, ءماريدىڭ ءىنىسى – انەل ەسقاليەۆا, شتالباۋم – راحمەتوللا ناۋانوۆ, شتالباۋمنىڭ ايەلى – اسەل كەنجەبەكوۆا ت.ب. ءوز بەينەلەرىن تاماشا ورىندادى.
قازاقستاندىق تەاتردىڭ اينىماس يتالياندىق كورەرمەنى بار, ولار «استانا وپەرا» بالەت ترۋپپاسىن اسىعا كۇتىپ, ءاردايىم جوعارى شەبەرلىگىن, ارتىستىك ونەرىن, كلاسسيكالىق ءبيدىڭ سان قىرلى دا قيىن تەحنيكاسىن ەسكەرەدى.
- جەكەلەگەن نومىرلەر ەرەكشە ىقىلاس تۋعىزدى: ءۇنسىز قىس تابيعاتىنىڭ قيال-عاجايىپ بەينەسىن جاسايتىن قار بۇرشىگى ءبيى, كومەديالىق قىتاي ءبيى ءشاي جانە ءۇندى ءبيى كوفە. بۇل – تاماشا مۋزىكاسى مەن قىزىقتى حورەوگرافياسى بار كەرەمەت بالەت. جالپى العاندا, روجدەستۆو قارساڭىندا تاڭعاجايىپ كورىنىستەر ەڭ قۋانىشتى اسەر قالدىردى, - دەدى سپەكتاكلدەن كەيىن نيكولەتتا بالبو ەسىمدى كورەرمەن.
يتاليادا ترۋپپا «ششەلكۋنچيك» بالەتىنىڭ تاعى 5 سپەكتاكلىن (ديريجەرلەرى – قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆ جانە ارمان ورازعاليەۆ) ۇسىنادى. «استانا وپەرا» تەاترى كەلەسى گاسترولدىك كەستە بويىنشا يسپانيا ەلىنە جول تارتادى, مۇندا ارتىستەر سوفيا پاتشايىمنىڭ ونەر سارايى ساحناسىندا (ۆالەنسيا) 29 جەلتوقسان جانە 5 قاڭتار ارالىعىندا پ.چايكوۆسكيدىڭ «اققۋ كولى» بالەتىمەن ونەر كورسەتەدى.
گاسترول «رۋحاني جاڭعىرۋ» باعدارلاماسى اياسىندا قر مادەنيەت جانە سپورت مينيسترلىگىنىڭ قولداۋىمەن وتۋدە.
