– قازىر №118-ءشى مارشرۋتتاعى اۆتوبۋستاردا ءبىر-ءبىر تەرمينالدان ورناتىلدى جانە جۇرگىزۋشىگە پلانشەت بەرىلدى. تاعى دا 200-گە تارتا تەرمينال كەدەندىك راسىمدەۋدەن وتۋدە, سەبەبى ولار كورەيادان جەتكىزىلەدى. 2019 جىلدىڭ قاڭتارىندا تەرمينالداردى بارلىق مارشرۋتتارعا ورناتۋ باستالادى. ول جۇمىستار ءۇش اي ۋاقىتتى قاجەت ەتەدى. ەلەكتروندىق كارتالار دۇڭگىرشەكتەر مەن دۇكەندەردىڭ بارلىعىندا ساتىلاتىن بولادى. ولاردى تولتىرۋعا قاتىستى ەش قيىندىقتار تۋىندامايدى, – دەدى قالا اكىمدىگىنىڭ جولاۋشى كولىگى سەكتورىنىڭ مەڭگەرۋشىسى ەسكەندىر قابيدوللا.
قاراعاندىدا جولاۋشى تاسىمالداۋ مارشرۋتتارىندا 600-گە جۋىق اۆتوبۋس تۇرعىندارعا قىزمەت كورسەتەدى. ەلەكتروندىق بيلەتتەۋ جۇيەسى جەكە ينۆەستور ەسەبىنەن ەنگىزىلەدى.
2019 جىلدىڭ قاڭتارىنان باستاپ ەلەكتروندىق تەرمينالداردى قاراعاندىداعى جولاۋشى تاسىمالىمەن اينالىساتىن قوعامدىق كولىكتەردىڭ بارلىعىنا ورناتۋ جوسپارلانعان.
قايرات ءابىلدا,
«ەگەمەن قازاقستان»
قاراعاندى
