گ.ابدىقالىقوۆا مەملەكەت باسشىسىنىڭ ءىلتيپاتىنا يە بولعان جانە ەلىمىزدىڭ دامۋىنا ەرەكشە ەڭبەك سىڭىرگەن ازاماتتارعا ۇلتتىق مەرەكەمىز – تاۋەلسىزدىك كۇنىنىڭ قارساڭىندا مەملەكەتتىك ناگرادالار تاپسىرۋ يگى داستۇرگە اينالعانىن اتاپ ءوتتى.
سونداي-اق ول ەلىمىزدە اۋقىمدى جاڭعىرۋ ۇدەرىستەرى جۇرگىزىلىپ جاتقانىن, ونىڭ اياسىندا الەمنىڭ وزىق دامىعان 30 ەلىنىڭ قاتارىنا قوسىلۋعا باعىتتالعان «قازاقستان-2050» ستراتەگياسى ىسكە اسىرىلىپ, ۇلت جوسپارى, ءۇشىنشى جاڭعىرۋ جانە پرەزيدەنتتىڭ الەۋمەتتىك بەس باستاماسى قابىلدانعانىن تىلگە تيەك ەتتى.
– مەملەكەت باسشىسى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا جانە « ۇلى دالانىڭ جەتى قىرى» تۇجىرىمدامالىق ماقالاسىندا دامۋىمىزدىڭ جاڭا باسىمدىقتارىن ايقىنداپ بەردى. وسىنىڭ بارلىعى زور جاۋاپكەرشىلىك پەن جاڭا مىندەتتەر جۇكتەيدى, − دەدى مەملەكەتتىك حاتشى.
مەملەكەتكە جانە قوعامعا سىڭىرگەن ەڭبەگى, حالىقتار اراسىنداعى دوستىق پەن ىنتىماقتاستىقتى, ەلدىڭ الەۋمەتتىك-ەكونوميكالىق جانە مادەني دامۋىنا, ۇلتتىق قاۋىپسىزدىگى مەن قورعانىس قابىلەتىنە قوسقان ەلەۋلى ۇلەسى ءۇشىن ءىىى دارەجەلى «بارىس» وردەنى قىزىلوردا وبلىسىنان كەلگەن «رزا» اق پرەزيدەنتى س.ج.يماندوسوۆقا, «ارداگەرلەر ۇيىمى» رەسپۋبليكالىق قوعامدىق بىرلەستىگى ورتالىق كەڭەسى توراعاسىنىڭ ءبىرىنشى ورىنباسارى ءو.وزعانباەۆقا, ءىى دارەجەلى «داڭق» وردەنى قاۋىپسىزدىك كەڭەسىنىڭ ءبولىم مەڭگەرۋشىسى ب.ج.قۇرمانباەۆقا, «پاراسات» وردەنى «ەگەمەن قازاقستان» رەسپۋبليكالىق گازەتى» اق باسقارما توراعاسى د.ق.قىدىرالىگە, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسورى ا.ە.ابىلقاسىموۆاعا, پرەزيدەنت اكىمشىلىگىنىڭ ءبولىم مەڭگەرۋشىسى م.ە.داۋەشوۆكە, پرەزيدەنت اكىمشىلىگىنىڭ ءبولىم مەڭگەرۋشىسى ك.ا.دميتريەۆيچكە, پرەزيدەنتتىڭ ءباسپاسوز حاتشىسى ا.ى.ۇكىبايعا, الماتى وبلىسى بالقاش اۋدانىنداعى «بىرلىك» اگروفيرماسى» جشس پرەزيدەنتى ءا.ءو.قىستاۋباەۆقا, پرەزيدەنتتىڭ ءباسپاسوز حاتشىسىنىڭ ورىنباسارى ب.ج.وماروۆقا, ەۋرازيالىق دامۋ بانكىنىڭ بىشكەكتەگى وكىلدىگىنىڭ ديرەكتورى س.د.پىرىمبەتوۆكە, قازاقستان رەسپۋبليكاسىنىڭ تۇڭعىش پرەزيدەنتى − ەلباسى كىتاپحاناسى ديرەكتورىنىڭ ءبىرىنشى ورىنباسارى ءا.م.راحىمجانوۆقا, قازاقستان حالقى اسسامبلەياسى توراعاسىنىڭ ورىنباسارى ي.ت.سالجانوۆقا, ن.تىلەنديەۆ اتىنداعى كىشى ونەر اكادەمياسىنىڭ ديرەكتورى د.س.تاسقاريناعا, كوركەم گيمناستيكادان شىمكەنت قالالىق وليمپيادالىق رەزەرۆتەگى مامانداندىرىلعان بالالار-جاسوسپىرىمدەر سپورت مەكتەبىنىڭ ديرەكتورى ءا.م.يۋسۋپوۆاعا بەرىلدى.
ال ءىى دارەجەلى «دوستىق» وردەنى ق.قۋانىشباەۆ اتىنداعى مەملەكەتتىك قازاق دراما تەاترىنىڭ كوركەمدىك جەتەكشىسى ت.د.تەمەنوۆكە بەرىلسە, «قۇرمەت» وردەنى «كازمورتترانسفلوت» كومپانياسىنىڭ قارجىلىق ديرەكتورى ا.ءۇ.اققايسيەۆاعا, پرەزيدەنتتىڭ كومەكشىسى ە.ك.جاماۋباەۆقا, تۇركىستان وبلىسىنىڭ كلينيكالىق اۋرۋحاناسىنىڭ ءبولىم مەڭگەرۋشىسى ن.ا.جارقىنبەكوۆاعا, كومپوزيتور م.د.ىلياسوۆقا, الماتى مەملەكەتتىك بيزنەس كوللەدجىنىڭ ديرەكتورى گ.ق.قاسىموۆاعا, ۇلتتىق اۋدارما بيۋروسىنىڭ اتقارۋشى ديرەكتورى ر.كەنجەحان ۇلىنا, مادەنيەت جانە سپورت ۆيتسە-ءمينيسترى ا.ر.رايىمقۇلوۆاعا, مەملەكەتتىك كۇزەت قىزمەتى پرەزيدەنت وركەسترى ءان جانە ەسترادا ءانسامبلىنىڭ جەتەكشى ءسوليسى ك.م.تولەنباەۆاعا بەرىلدى.
ءىىى دارەجەلى «ەڭبەك داڭقى» وردەنىمەن «ب.نۇرجانوۆ اتىنداعى «ەكىباستۇز گرەس-1» جشس ءماشينيسى ج.س.باۋبەكوۆ, اقمولا وبلىسىنداعى «ۆيكتوروۆسكوە» جشس مەحانيزاتورى و.ۆ.ۋفيمتسەۆ ماراپاتتالسا, «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى استانا قالاسىنداعى «استانا وپەرا» مەملەكەتتىك وپەرا جانە بالەت تەاترىنىڭ وپەرالىق ترۋپپاسىنىڭ جەتەكشى ءسوليسى م.ج.باينەشكە, استانا قالاسىنداعى جاستار تەاترىنىڭ اكتەرى د.س.سەرعازينگە, الماتى قالاسىنداعى ع.مۇسىرەپوۆ اتىنداعى قازاق مەملەكەتتىك اكادەميالىق بالالار جانە جاستار تەاترىنىڭ ءارتىسى ل.ز.سەرىكوۆاعا بەرىلدى.
سوڭىندا مەملەكەتتىك حاتشى گۇلشارا ابدىقالىقوۆا راسىمگە قاتىسۋشىلاردى تاۋەلسىزدىك كۇنى مەرەكەسىمەن قۇتتىقتاپ, زور دەنساۋلىق, وتباسىلىق باق-بەرەكە جانە ەڭبەكتە تابىس تىلەدى.
ەركەجان ايتقازى,
«ەگەمەن قازاقستان»
