بۇۇ قىزمەتىنە قاتىستى ماسەلەلەردى تالقىلاۋ ونلاين تارتىبىندە ۇيىمدىستىرىلدى. پىكىرتالاسقا الماتىداعى قر سىرتقى ىستەر مينيسترلىگىنىڭ, بۇۇ, UNESCO, UNDP, UNAI بولىمشەلەرىنىڭ باسشىلارى مەن وكىلدەرى, قازاقستان جوعارى وقۋ ورىندارىنىڭ جاس عالىمدارى, ماگيسترانتتارى مەن دوكتورانتتارى قاتىستى.
دوڭگەلەك ۇستەلدىڭ سالتاناتتى بولىگىن پان گي مۋن اتىنداعى تۇراقتى دامۋ ينستيتۋتىنىڭ ديرەكتورى, پروفەسسور رافيس ابازوۆ اشىپ, بۇۇ مودەلى - جاڭا جىبەك جولى سياقتى قازاقستان جاستار قۇرىلىمدارىنىڭ ورتالىق جانە وڭتۇستىك ازياداعى بەيبىتشىلىكتى نىعايتۋ جانە ادام قۇقىعىن ساقتاۋ جونىندەگى قىزمەتىنە تالداۋ جاسادى.
الماتىداعى يۋنەسكو كلاستەرلىك بيۋروسىنىڭ الەۋمەتتىك جانە گۋمانيتارلىق عىلىمدار سەكتورىنىڭ مامانى ارينا مياسوەد ءوز سوزىندە يۋنەسكو, حالىقارالىق جۋرناليستيكا جانە قوعامدىق مەديا كافەدراسى مەن تۇراقتى دامۋ جونىندەگى يۋنەسكو كافەدراسىنا جاستاردىڭ پروبلەمالارى مەن قۇقىقتارىنا ۇدايى نازار اۋدارىپ وتىرعاندارى ءۇشىن العىس ايتىپ, ۇيىم جۇمىسىنا كەڭىنەن توقتالدى.
قازاقستانداعى بۇۇ قوعامدىق اقپارات دەپارتامەنتىنىڭ وكىلى ۆلاستيميل سامەك كونفەرەنتسيا قاتىسۋشىلارىمەن تىكەلەي بايلانىسقا شىعىپ, ءوزى پىكىرىن بىلدىرسە, سىرتقى ىستەر مينيسترلىگىنىڭ الماتىداعى وكىلدىگىنىڭ باسشىسى رۋسلان بولتىرىكوۆ بۇۇ ماجىلىسىندە وسىناۋ عالامدىق ماڭىزى بار قۇجات - «بۇۇ ادام قۇقىقتارى جالپىعا ورتاق دەكلاراتسياسىنىڭ» ماڭىزدىلىعىنا توقتالدى. ال UNAI حابى ديرەكتورى, پروفەسسور ع.ج.ىبىراەۆانىڭ بايانداماسىنا تۇراقتى دامۋ باعدارلاماسى ماقساتىنداعى جالپىعا ورتاق دەكلاراتسيا يدەيالارىنىڭ ساباقتاستىعى وزەك بولدى.
ءال-فارابي اتىنداعى قازۇۋ گەوگرافيا جانە تابيعاتتى پايدالانۋ فاكۋلتەتىنىڭ دەكانى, گ.ع.د., پروفەسسور ۆ.گ. سالنيكوۆ, يۋنەسكو, حالىقارالىق جۋرناليستيكا جانە قوعامدىق مەديا كافەدراسىنىڭ مەڭگەرۋشىسى, فيلول.ع.د., پروفەسسور ن.ت. شىڭعىسوۆا, تۇراقتى دامۋ جونىندەگى يۋنەسكو كافەدراسىنىڭ مەڭگەرۋشىسى ت.بازارباەۆا «بۇۇ ادام قۇقىقتارى جالپىعا ورتاق دەكلاراتسياسىنىڭ» قابىلدانۋىنا قاتىستى وزەكتى پىكىرلەرىن ورتاعا سالدى.
ەلۆيرا سەرىكقىزى,
«ەگەمەن قازاقستان»
الماتى
