– قولدانىستاعى زاڭناماعا سايكەس, مۇنداي جاعدايلاردا تۇراقتى قارجىلىق جاعدايى بار, پرۋدەنتسيالدىق نورماتيۆتەردى بۇزباعان, كەڭ فيليالدىق جەلىسى جانە ينفراقۇرىلىمى بار, رەسپۋبليكا بويىنشا سالىمشىلارعا قىزمەت كورسەتەتىن, بانك اگەنت ارەكەت ەتە الادى. ءبىز قدكبق وزدەرىنىڭ سەنىمدىلىگى ءۇشىن العىسىمىزدى بىلدىرەمىز, – دەدى بانك ۆتب (قازاقستان) باسقارما توراعاسى دميتري زابەللو.
بۇگىنگى تاڭدا بانك ۆتب (قازاقستان) ەكىنشى دەڭگەيدەگى بانكتەر اراسىندا ەڭ جوعارى نەسيە رەيتينگتەرىنىڭ بىرىنە يە. بانكتىڭ فيليالدارى ەلىمىزدىڭ بارلىق وڭىرلەرىندە ورنالاسقان, قازىرگى ۋاقىتتا ۆتب جەلىسىندە 85 بانكومات پەن 28 اقشا نۇكتەسى بار.
«Qazaq Banki» اق سالىمشىلارىنا تولەم 2018 جىلدىڭ 24 جەلتوقسانىندا باستالادى. 24 جەلتوقسانعا دەيىن بانك ۆتب (قازاقستان) سالىمشىلاردان وتىنىشتەر قابىلداپ, كەپىلدىك وتەماقى تولەۋگە قۇقىلى ەمەس.
دەپوزيتكە كەپىلدىك بەرىلگەن تولەمدى الۋ ءۇشىن «Qazaq Banki» اق كليەنتتەرى جەكە باسىن كۋالاندىراتىن قۇجاتپەن جانە بانك ۆتب (قازاقستان) كەز كەلگەن بولىمشەسىنە جازباشا ءوتىنىش بەرۋى كەرەك. فيليالداردىڭ مەكەن-جايى www.vtb-bank.kz بانكىنىڭ سايتىندا كورسەتىلگەن. ءسىز اقشانى ءۇش جولىمەن الا الاسىز: قولما-قول اقشا, بانك شوتىنا اۋدارۋ نەمەسە بانك اگەنتتە سالىم اشۋ.
جەكە تۇلعالار مەن جەكە كاسىپكەرلەر «Qazaq Banki» اق اعىمداعى شوتتارىندا جانە تولەم كارتوچكالارىندا ورنالاستىرىلعان اقشانى وتەۋگە قۇقىلى. وتەماقى ەسەپتەلگەن سىياقىنى ەسەپكە الا وتىرىپ, بىراق ەڭ جوعارى كەپىلدىك سوماسىنان اسپايتىن دەپوزيت بالانسىنىڭ سوماسىندا تولەنەدى:
• 10 ملن تەڭگە – ۇلتتىق ۆاليۋتاداعى دەپوزيتتەر بويىنشا,
• 5 ملن تەڭگە – شەتەل ۆاليۋتاسىنداعى دەپوزيتتەر بويىنشا.
Qazaq Banki-دا ءبىر مەزگىلدە تەڭگەدە جانە شەتەل ۆاليۋتاسىندا ورنالاستىرىلعان ءبىر سالىمشىنىڭ دەپوزيتتەرىنە 15 ملن. تەڭگەگە تولىق وتەماقى تولەنەدى, ال شەتەل ۆاليۋتاسىندا دەپوزيت 5 ملن تەڭگەدەن اسپايدى.
«قازاقستاننىڭ دەپوزيتتەرگە كەپىلدىك بەرۋ قورى» اق ارنايى رەزەرۆ ەسەبىنەن «Qazaq Banki» اق سالىمشىلارى ءۇشىن وتەماقى تولەۋ ءۇشىن بانك ۆتب (قازاقستان) تولىق اقشامەن قامتاماسىز ەتەدى.
ايناش ەسالي,
«ەگەمەن قازاقستان».
الماتى
