فورۋمعا وبلىستاعى قالا جانە اۋىل جاستار رەسۋرستىق ورتالىعىنىڭ وكىلدەرى, وقۋ ورىندارىنىڭ, مەكەمەلەر مەن كاسىپورىندارىنىڭ بەلسەندى جاستارى, قوعامدىق پىكىر كوشباسشىلارى, بلوگەرلەر قاتىستى.
بىرنەشە بولىكتى قامتىعان فورۋم جۇمىسىنىڭ ءبىر باعىتى «جاستارعا قاجەت 7 قاسيەت» اشىق لەكتسيا. ەلباسىنىڭ «رۋحاني جاڭعىرۋ» باعدارلاماسىندا ەرەكشە اتالىپ وتكەندەي, قازىرگى تاڭدا تابىستى بولۋدىڭ ەڭ باستى فاكتورى ول – ءبىلىم, ياعني ول ءاربىر ازاماتتىڭ العا باسۋىنا جاعداي تۋدىرىپ, جەتىستىككە جەتكىزەتىنى تۋرالى - اقش-تىڭ گارۆارد ۋنيۆەرسيتەتى كەننەدي باسقارۋ مەكتەبىنىڭ تۇلەگى مۇقان شىڭعىس جۇمابەك ۇلى جاستارمەن لەكتسيا جۇرگىزدى. «Timur academy» وقىتۋ ورتالىعىنىڭ ديرەكتورى IT مامان - تيمۇر بەكتۇر, جاس كاسىپكەر, «قاراعانتۇبەك» جشس ديرەكتورى - ساندىبەك قوسۋاقوۆ, «بەكەن جاستارى» قوعامدىق بىرلەستىگىنىڭ توراعاسى مۇقاش ورالباەۆ - «2019 - جاستار جىلىندا» باسىمدىق بەرەتىن مەجەلەر مەن زاماناۋي ترەندتەردى ناسيحاتتاۋ, عىلىمي-يننوۆاتسيالىق ىلىمدەردى يگەرۋ مەن پاتريوتتىققا باۋلۋ ماسەلەلەرى وي تالقىعا سالدى.
سونىمەن قاتار ءبىلىم جانە عىلىم, كاسىپكەرلىك, سپورت, جۇمىسپەن قامتۋ, مادەنيەت سالاسىنداعى جاستاردىڭ 12 كورمەسى جاستارعا ۇسىنىلدى.
فورۋم بارىسىندا ۇزدىك جاستار «جاس تۇلپار - 2018» وبلىستىق جاستار سىيلىعىمەن ماراپاتتالدى.
ماڭعىستاۋ وبلىسى بويىنشا بۇگىنگى تاڭدا 14 پەن 29 جاس ارالىعىندا 145 657 جاستار بار, بۇل جالپى وبلىس تۇرعىندارىنىڭ 22,1% پايىزىن قۇرايدى. قالالاردا – 70 174, اۋىلدىق جەرلەردە 75 483 جاس تۇرادى.
وبلىستا 8 جاستار رەسۋرستىق ورتالىقتارى قىزمەت اتقارادى, ونىڭ ىشىندە 1- وبلىستىق جانە اۋدان, قالا دەڭگەيىندە 7 «جاستاردىڭ رەسۋرستىق ورتالىقتارى» كوممۋنالدىق مەملەكەتتىك مەكەمەلەرى.
2018 جىلى «بولاشاققا باعدار: رۋحاني جاڭعىرۋ», « ۇلى دالانىڭ جەتى قىرى» باعدارلامالىق ماقالالارىن تۇسىندۋرىگە ارنالعان اقپاراتتىق-ناسيحاتتىق كەزدەسۋلەر, «بولاشاققا سەنىممەن» جوباسى, كونسۋلتاتسيا العان جاستاردىڭ ۇلەس سانىن ارتتىرۋ ماقساتىندا «كەڭەس الاڭى» جوباسى, وسال توپتاعى جاستاردىڭ ۇلەسىن ارتتىرۋ ماقساتىندا «ەرىكتىلەر كورپۋسى» جوباسى, جاستار ورتالىقتارىنىڭ قىزمەتى تۋرالى 14 پەن 29 جاس ارالىعىنداعى جاستاردىڭ اقپاراتتاندىرۋ دەڭگەيىن ارتتىرۋ ماقساتىندا يميدجدىك «لەكتوريۋم», «Jastar Books», «كاسىبي باعدار» جوبالارى,«اۋىلىم –ەل بەسى» اتتى جاستار كرۋەنى, «جايدارمان ويىندارى - 2018», «لەكتوريۋم – 2018» ەركىن فورماتتاعى جاستارمەن كەزدەسۋلەر وتكىزىلدى.
وبلىس اكىمى ەرالى توعجانوۆتىڭ باستاماسىمەن «اسار», «جومارت جۇرەك» قايرىمدىلىق شاراسى اياسىندا 168 وتباسىعا الەۋمەتتىك كومەك, 64 جالعىزباستى ازاماتتارعا ادرەستىك كومەك كورسەتىلدى جانە شىعىس قازاقستاندا بولعان تابيعي اپاتتان زارداپ شەككەن جاندارعا 400 كگ ازىق-ت ۇلىك پەن كيىم كەشەك جولدانعان «شىعىسقا كومەك» ناۋقانى ۇيىمداستىرىلدى.
2019 جىلعا ارنالعان جول كارتاسى اياسىنداعى 100 ناقتى شارانى ىسكە اسىرۋ جوسپارلانىپ وتىر. كەلەر جىلى ەلباسىنىڭ « ۇلى دالانىڭ جەتى قىرى» اتتى باعدارلامالىق ماقالاسى اياسىندا ء«وز تاريحىڭدى تانىپ ءبىل» اتتى رەسپۋبليكالىق جاستار ەكسپەديتسياسى, «رۋحاني جاڭعىرۋ» باعدارلاماسى بويىنشا «الەم تانىعان ماڭعىستاۋ» رەسپۋبليكالىق جاس بلوگەرلەردىڭ مەديا كەرۋەنى, اقتاۋ ءسامميتىنىڭ 1 جىلدىعى قارساڭىندا ماڭعىستاۋ وڭىرىمەن شەكارالاس مەملەكەتتەرى ايماقتارى جاستارىنىڭ «جاستار دوستىعى 2019» حالىقارالىق فورۋمى سياقتى شارالار ۇيىمداستىرىلادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
