ەكونوميكا جاعدايى تۋرالى بايانداي وتىرىپ, ۇلتتىق ەكونوميكا ءمينيسترى ت. سۇلەيمەنوۆ ءجىو تۇراقتى ءوسىمى ءۇش اي بويى 4,1% دەڭگەيىندە ساقتالىپ وتىرعانىن اتاپ ءوتتى.
«جوعارى ينۆەستيتسيالىق جانە تۇتىنۋشىلىق سۇرانىس, سونىمەن قاتار ەكونوميكانىڭ بازالىق سالالارىنداعى وندىرىستىك بەلسەندىلىك ەكونوميكالىق ءوسىمنىڭ نەگىزگى فاكتورلارىنا اينالدى. ەكونوميكا وسىمىندەگى شەشۋشى ءرولدى نەگىزگى كاپيتالعا سالىناتىن ينۆەستيتسيالار الىپ وتىر. بيىلعى 11 ايدا ولاردىڭ كولەمى 18,3% ءوستى», — دەپ مالىمدەدى ت. سۇلەيمەنوۆ.
ۇەم دەرەكتەرىنە سايكەس, ونەركاسىپتەگى جانە اۋىل شارۋاشىلىعىنداعى وندىرىستىك بەلسەندىلىكتى كەڭەيتۋ كولىك سالاسىنا وڭ اسەرىن تيگىزدى. سونداي-اق, تومەن ينفلياتسيانىڭ جانە حالىق تابىستارىنىڭ ءوسۋى اياسىندا ساۋدا دا ءوستى. جالپى قىزمەت كورسەتۋ سالاسى 4% ءوسىمدى قامتاماسىز ەتتى جانە ءجىو وسىمنە 2,3 پ.ت. ءوسىم قوستى.
سىرتقى ساۋدا اينالىمى تۇراقتى ءوسىم قارقىنىن ساقتاپ وتىر. 9 ايدا ءوسىم 21,6% قۇرادى. ەكسپورت 28,2% ءوستى. بۇل نەگىزىنەن مۇنايدى, اوك ونىمدەرىن, مۇناي گازدارىن, ءاليۋمينيدى جانە مىس كەندەرىن جەتكىزۋدىڭ ارتۋىنا بايلانىستى.
«ەڭبەك نارىعىنداعى جاعداي تۇراقتى. وسى جىلدىڭ باسىنان بەرى 468,6 مىڭ ادام جۇمىسقا ورنالاستىرىلدى (1 قاراشاداعى جاعداي بويىنشا). جالاقى كولەمى قارقىندى تۇردە ءوسىپ كەلەدى. بيىلعى قاڭتار–قازان ايلارىندا ورتاشا ايلىق جالاقى 159,5 مىڭ تەڭگەگە دەيىن ۇلعايدى. باعالاۋ بويىنشا ناقتى كورىنىستە 2,2% ءوستى», — دەپ ۇلتتىق ەكونوميكا ءمينيسترى ت. سۇلەيمەنوۆ وسى جىلعى قاڭتار–ماۋسىمدا ەلىمىزدىڭ 13 وڭىرىندە ناقتى كىرىستەردىڭ ءوسىمى بايقالىپ وتىرعانىن اتاپ ءوتتى.
ۇەم باعالاۋى بويىنشا, جالپى ينفلياتسيا ءوسىمىنىڭ باسەڭدەۋى اياسىندا ناقتى اقشالاي كىرىستەر وسى جىلدىڭ قورىتىندىسى بويىنشا وڭ ايماقتا ساقتالادى.
سونىمەن قاتار, ت. سۇلەيمەنوۆ الداعى مەرەكە كۇندەرىنە وراي تۇتىنۋشىلىق سۇرانىس ودان ءارى وسەتىنىن, سايكەسىنشە, ساۋدا ءوسىمى بولاتىنىن, ونىڭ ءجىو قۇرىلىمىنا وڭ اسەرىن تيگىزەتىنىن ايتتى.
ۇلتتىق بانك توراعاسى د. اقىشەۆ ءوز كەزەگىندە 2018 جىلعى قاراشادا ينفلياتسيا دەڭگەيى 0,9% قۇراعانىن جەتكىزدى. جىلدىق ينفلياتسيا قازان ايىنداعى دەڭگەيدە ساقتالىپ, 5,3% قۇرادى. بۇل جىلدىق ينفلياتسيانىڭ 2015 جىلدان بەرى ەڭ تومەنگى كورسەتكىشى. ينفلياتسيا جىل قورىتىندىسى بويىنشا 5–7% ماقساتتى دالىزىندە بولادى دەپ بولجانعان. بيىلعى 5 جەلتوقساندا ۇلتتىق بانك بازالىق مولشەرلەمەنى 9,25% دەڭگەيىندە ساقتاۋ تۋرالى شەشىم قابىلدادى. اتالعان شەشىم تەڭگە مەن اكتيۆتەرگە دەگەن سۇرانىستى ارتتىرۋعا جول اشادى.
