كەزدەسۋ بارىسىندا نۇرلان نىعماتۋلين اتاپ وتكەندەي, چەحيا قازاقستاننىڭ ورتالىق جانە شىعىس ەۋروپاداعى ماڭىزدى ارىپتەسى بولىپ تابىلادى. ديپلوماتيالىق قاتىناس ورناعان 25 جىل ىشىندە ەكى ەل اراسىندا بەلسەندى ساياسي ۇنقاتىسۋ ورناعان. وسى ۋاقىت ىشىندە ساۋدا, ەكونوميكالىق جانە مادەني-گۋمانيتارلىق ىنتىماقتاستىق قارقىندى تۇردە دامىدى. قازاقستاندىق جانە چەحيالىق پارلامەنتشىلەر اراسىنداعى ءوزارا ءىس-قيمىلدىڭ جاقسى تاجىريبەسىنىڭ ارقاسىندا ءتيىمدى پارلامەنتارالىق بايلانىس ورنادى.
ءماجىلىس توراعاسى بۇل قازاقستان مەن چەحيا پرەزيدەنتتەرى نۇرسۇلتان نازارباەۆ پەن ميلوش زەماننىڭ ءوزارا تۇسىنىستىككە نەگىزدەلگەن بىرلەسكەن جۇمىسىنىڭ ناتيجەسى ەكەنىن اتاپ ءوتتى.
نۇرلان نىعماتۋلين قازاقستان-چەحيا قارىم-قاتىناسى, ونىڭ ىشىندە پارلامەنتارالىق دەڭگەيدە ەكى ەل اراسىنداعى ىنتاماقتاستىقتىڭ ودان ءارى نىعايا تۇسەتىنىنە سەنىم ءبىلدىردى.
قازاقستان – بۇل ەۋروپا مەن ازيا اراسىنداعى كوپىر ەكەنىن العا تارتقان ءماجىلىس توراعاسى قازاقستان پرەزيدەنتى نۇرسۇلتان نازارباەۆتىڭ كەلەسى جىلى ەۋرازيا كەڭىستىگىندەگى 25 جىلدىعىن اتاپ ءوتۋ يدەياسىنىڭ ماڭىزدىلىعىنا توقتالدى.
ءوز كەزەگىندە چەحيا ەلشىسى ەكىجاقتى قارىم-قاتىناستاردىڭ كەڭ اۋقىمىن اتاي وتىرىپ, قازاقستان چەحيا ءۇشىن ورتالىق ازيا ايماعىنداعى ەڭ ماڭىزدى مەملەكەت ەكەنىن ايتتى. ەليشكا جيگوۆا چەحيا ەۋروپالىق وداقتا قازاقستانمەن قالاي ءتيىمدى جۇمىس ىستەۋ كەرەكتىگىن كورسەتۋى مۇمكىن دەگەن پىكىرىن ءبىلدىردى. سونىمەن قاتار, ديپلومات ەكى جاقتى ىنتىماقتاستىقتى ودان ءارى دامىتۋ ءۇشىن پارلامەنتارالىق قۇرامداستاردىڭ ماڭىزدىلىعىنا نازار اۋداردى.
