وسى چەمپيوناتتا قۇرامىندا «بولاشاق» كوللەدجىنىڭ ستۋدەنتتەرى, ن.نۇرماقوۆ اتىنداعى دارىندى بالالارعا ارنالعان وبلىستىق مامانداندىرىلعان مەكتەپ-ينتەرناتتىڭ, №№39, 16 جانە 83 ورتا مەكتەپتەردىڭ وقۋشىلارى بار قاراعاندى وبلىسىنىڭ كومانداسى تاماشا ونەر كورسەتىپ, سولتۇستىك قازاقستان وبلىسى اكىمىنىڭ گران-پري سىيلىعىن جەڭىپ الدى. ەكىنشى جۇلدەگە اتىراۋ وبلىسىنىڭ ۇجىمى يە بولسا, ءۇشىنشى ورىن باتىس قازاقستان وبلىسىنىڭ كومانداسىنا بۇيىردى.
قاراعاندىلىقتاردىڭ جەڭىسىنە «بولاشاق» كوللەدجىنىڭ قوسقان ۇلەسى مول. سەبەبى, وسى وقۋ ورنىنىڭ بازاسىندا وبلىستىق ىرىكتەۋ سايىستارى مەن كوماندا مۇشەلەرىنىڭ دايىندىقتارى وتكەن بولاتىن.
– روبوت تەحنيكاسى – بولاشاقتىڭ كاسىبى. وسى باعىتتى دامىتۋعا ەكى جىلدا ءبىزدىڭ مەكەمە 4 ملن تەڭگەدەن استام قاراجات بولگەن. بۇل قاراجاتقا زاماناۋي باعدارلامالاناتىن كونسترۋكتورلار ساتىپ الىندى, – دەيدى «بولاشاق» كوللەدجىنىڭ ديرەكتورى, ەكونوميكا عىلىمدارىنىڭ كانديداتى عايني مامىراەۆا.
قىزىلجاردا وتكەن فەستيۆالدىڭ باس ارىپتەسى قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى بولدى.
قايرات ءابىلدا,
«ەگەمەن قازاقستان»
قاراعاندى
