«نوعايباي جشس-ءنىڭ ديرەكتورى التىنبەك ساپاروۆ «جىل مەتسەناتى» اتالىمىنا يە بولدى. ول الەۋمەتتىك سالالارعا ۇزبەي قارجىلىق قولداۋ كورسەتىپ كەلەدى. قاراقوعا-نوعايباي باعىتىندا سۋ تاراتقىش ناسوستى ىسكە قوسىپ, ءار ۇيگە ساپالى اۋىز سۋ جەتكىزىلدى. 200 ورىندى كىتاپحانا مەن اكت زالى پايدالانۋعا بەرىلدى. بىلتىر 5 ءۇي تۇرعىزىلسا, بيىل 28 ميلليون تەڭگەگە 4 ءۇي سالىندى. شاعىن فۋتبول, باسكەتبول,بۇلدىرشىندەردىڭ ويىن الاڭدارى پايدالانۋعا بەرىلدى. كوشەلەرگە جارىق تارتىلىپ, اسفالتتالدى.
«دايىندىق جشس-ءنىڭ باسشىسى ءبىرجان شايمەردنوۆ «جىل تۇلعاسى» اتالىمىندا توپ جاردى. اگروقۇرىلىم ەگىنشىلىكپەن دە, مال شارۋاشىلىعىمەن دە اينالىسادى. قازىر 1325 ءىرى قارا مالى, ونىڭ ىشىندە 610 ساۋىن سيىر باعىلادى. جىل وتكەن سايىن مايلى داقىلدار ەگىستىگىنىڭ كولەمى ارتىپ كەلەدى.
دايىندىق اۋىلىندا بارلىق الەۋمەتتىك نىساندار جۇمىس ىستەپ تۇر. ىسكەر باسشىنىڭ اۋىلداستارى جۇمىسسىزدىقتىڭ نە ەكەنىن بىلمەيدى. ورتاشا ەڭبەكاقى 90 مىڭ تەڭگەنى قۇرايدى.
بارلىق ۇيلەرگە اۋىز سۋ, جىلۋ جەلىسى تارتىلعان. 3 وتباسى قونىس تويىن تويلادى. مەكتەپتى جوندەۋگە 65 ميلليون تەڭگە جۇمسالدى. جانسۇگىر باتىردىڭ كەسەنەسىن تۇرعىزۋعا سەرىكتەستىك ەسەبىنەن 14 ميلليون تەڭگە ءبولىندى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
