«تالعار» اۋداندىق گازەتىنىڭ مالىمەتتەرى بويىنشا, «اۋىل شارۋاشىلىعى جارمەڭكەسى» كونكۋرسىنىڭ ناتيجەسى بويىنشا تالعار اۋدانى ءبىرىنشى دارەجەلى ديپلوم مەن 400000 تەڭگەنىڭ سەرتيفيكاتىن يەلەنگەن.
اگرارلى ءوڭىردىڭ بۇگىنگى جەتىستىكتەرىندە اۋدان باسشىسى رىسكەلدى ساتباەۆتىڭ ىسكەرلىگى مەن زاماناۋي ۇردىستەردى شارۋاشىلىق سالالارىندا ەنگىزۋگە بايلانىستى جاساعان يگى جۇمىستاردى, سونداي-اق ە.تولقىنوۆ مەن ءبولىم قىزمەتكەرلەرىنىڭ ەڭبەگى زور ەكەندىگىن اتاپ كەتۋگە بولادى. اكىمدىك مالىمەتتەرى بويىنشا, اۋىل شارۋاشىلىعى سالاسىندا 36559,0 ملن. تەڭگەنىڭ جيىنتىق ءونىمى وندىرىلگەن. 33895 گەكتار ەگىستىك القابىنا 13725 گەكتار ءداندى-داقىلدار, 4860 گەكتار مايلىق داقىلدار, 3785 گەكتار كارتوپ, 2721 گەكتار كوكونىس, 220 گەكتار باقشا جانە 8584 گەكتار جەم-ازىقتىق داقىلدار ەگىلگەن, 45 گەكتار القاپقا جەمىس-جيدەك داقىلدارى وتىرعىزىلعان. ونىڭ 5 گەكتارى «اپورت» سورتى, ال 40 گەكتارى قارقىندى باق. 4,55 گەكتاردى قۇرايتىن 23 جىلىجاي شارۋاشىلىعىنان 540 توننا ءونىم الىنىپ, ەكىنشى داقىل اينالىمىنا كوشەتتەر وتىرعىزىلعان. 1,9 ملرد تەڭگەگە 2 ينۆەستيتسيالىق جوبا ىسكە قوسىلعان. «بايمەنە» جشس – 40 گا القاپقا قارقىندى باق وتىرعىزسا, «الماتى» اشوك – 800 باسقا ارنالعان ءسۇت فەرماسىن سالعان. «اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان» مەملەكەتتىك باعدارلاماسى اياسىندا 6 كووپەراتيۆ قۇرىلعان.
ەلۆيرا سەرىكقىزى,
«ەگەمەن قازاقستان»
الماتى
