سەگىز راۋندتىق باسەكە بارىسىندا وسى كۇنگە دەيىن ەشكىمنەن جەڭىلىپ كورمەگەن ءرابيدىڭ باسىمدىعى بايقالدى. جەرلەسىمىزگە قاراعاندا ول الدەقايدا شيراق قيمىلداپ, كوبىرەك سوققى جۇمسادى. مۇحامەددتىڭ تەحنيكالىق جانە تاكتيكالىق تۇرعىدان دا مىقتى ەكەنى كورىندى. جەكپە-جەك اياقتالعان بەتتە تورەشىلەردىڭ بارلىعى دا جەڭىستى ءبىراۋىزدان ماروككو بوكسشىسىنا بەردى.
ەستەرىڭىزگە سالا كەتەيك, 2015 جىلى دوحادا وتكەن الەم چەمپيوناتىنىڭ فينالىندا ءدال وسى بوكسشى ءبىزدىڭ دانيار ەلەۋسىنوۆتەن باسىم ءتۇسىپ, باس جۇلدەنى ولجالاعان بولاتىن. 2016 جىلى ريو دە جانەيرودا الاۋى تۇتانعان وليمپيا ويىندارىنىڭ جارتىلاي فينالىندا مۇحاممەد رابي وزبەكستاندىق شاحرام گياسوۆقا ۇتىلدى. ال وزبەكتىڭ ورەنى فينالدا ءبىزدىڭ دانيار ەلەۋسىنوۆكە ەسە جىبەردى.
وسى ساتسىزدىكتەن كەيىن الەكساندر جۋراۆسكي ءبىرىنشى ورتا سالماقتاعى BoxRec رەيتينگىندە بىردەن 49 ساتىعا تومەندەپ, قازىرگى كەزدە 223 ورىندى قاناعات تۇتۋدا. ال مۇحاممەد رابي بولسا, 12 ساتىعا جوعارلاپ, 62 ورىنعا جايعاستى.
عالىم سۇلەيمەن,
«ەگەمەن قازاقستان»
