ولار تورعاي-ارقالىق تاس جولىنىڭ شۇبالاڭ ەلدى مەكەنىنە جاقىن تۇسىندا «تويوتو» ماركالى ماشينانى توقتاتتى. ماشينا جۇرگىزىپ كەلە جاتقان 38 جاستاعى جىگىت جانگەلدين اۋدانىنداعى اقكول اۋىلىنىڭ تۇرعىنى بولىپ شىقتى. تەكسەرگەندە ماشينادان كيىكتىڭ ءمۇيىزى جانە 12 كاليبرلى مىلتىقتىڭ پاتروندارى تابىلدى.
بۇل فاكت قر قك 339-بابى, ياعني «سيرەك جانە قۇرىپ كەتۋ الدىندا تۇرعان, سونداي-اق پايدالانۋعا تىيىم سالعان جانۋارلاردى زاڭسىز اتقانى ءۇشىن» سوتقا دەيىنگى ءىستىڭ بىرىڭعاي تىزىمىنە تىركەلدى. سوتقا دەيىنگى تەرگەۋ كەزىندە كۇدىكتى ءىس-ارەكەتىن مويىندادى. ول كيىكتىڭ ءتورت تەكەسىن اتىپ, ءمۇيىزىن كەسىپ العان دا, دەنەسىن لاقتىرىپ كەتكەن. پوليتسەيلەر كۇدىكتىنىڭ كورسەتۋىمەن ول اڭ اۋلاعان جەرگە بارىپ, كيىكتەردىڭ ولەكسەسىن جيىپ الدى. تابيعات قاسكويى ءوز ەركىمەن مىلتىعىن تاپسىردى. قازىر قىلمىستىق ءىس بويىنشا ساراپتاما تاعايىندالدى
ءنازيرا جارىمبەت,
«ەگەمەن قازاقستان»
قوستاناي
