كاسىپقويلار اراسىنداعى باسەكەلەردىڭ بارلىعى دا قازاقستاندىق سپورتشىلاردىڭ جەڭىسىمەن اياقتالدى. اتاپ ايتساق, 56 كيلو سالماقتاعى ارمان ءاشىموۆ يسپانيالىق كريستان گارسيا كوللادومەن كۇش سىناستى. جاراقاتىنا بايلانىستى جارتى جىلدان اسا ۋاقىتقا سوزىلعان ۇزىلىستەن كەيىن ۇلكەن سپورتقا قايتا ورالعان قانداسىمىزدى كورەرمەندەر ەرەكشە قوشەمەتپەن قارسى العانىن ايتا كەتكەن ابزال. ءوز كەزەگىندە ارمان كوپتىڭ ۇكىلى ءۇمىتىن اقتادى. ول قارسىلاسىن ەكىنشى راۋندتا «قىلقىندىرۋ» ادىسىمەن ۇتتى.
77 كيلو سالماق دارەجەسىندە ونەر كورسەتىپ جۇرگەن شاۆقات راحمونوۆ قىرعىزستاندىق رينات ساياقباەۆپەن ايقاستى. بۇل تارتىس تا ۇزاققا سوزىلعان جوق. ءبىرىنشى راۋندتان كەيىن التاۋدىڭ ارعى بەتىنەن كەلگەن سپورتشى جەكپە-جەكتى جالعاستىرۋدان باس تارتتى. ال دميتري كۋدينوۆ قىرعىستاننىڭ تاعى ءبىر وكىلى اديس تالايبەك ۇلىن ۇپاي سانىمەن ۇتتى.
عالىم سۇلەيمەن,
«ەگەمەن قازاقستان»
