اتالعان شارا تəۋەلسىزدىك كۇنى مەن ەنەرگەتيكتەردىڭ ءتول مەرەكەسى قارساڭىندا ۇيىمداستىرىلىپ وتىر. سپورتتىق دودانىڭ سالتاناتتى اشىلۋىندا «KEGOC» اق باسقارما توراعاسىنىڭ كەڭەسشىسى, جاڭاباي بەكسارى: «سپارتاكيادانىڭ نەگىزگى ماقساتى-تەك قانا ءبىزدىڭ قىزمەتكەرلەر اراسىنداعى سپورتتىق مۇمكىندىكتەردى دامىتۋ ەمەس. بۇل جالپى 4 500-دەن استام قىزمەتكەرى بار ۇلكەن كومپانيانىڭ ءبىر-ءبىرىنىڭ اراسىنداعى الەۋمەتتىك-ۇجىمدىق بايلانىستى نىعايتۋ. وزدەرىن ۇلكەن ءبىر جانۇيا مۇشەلەرى ەكەنىن سەزىندىرۋ. 2003 جىلدان بەرى وتەتىن جارىسقا, ءىرى كومپانيانىڭ بارلىق قۇرىلىمدىق بولىمشەلەرى اي̆رىقشا اتسالىسىپ كەلەدى. اۋەلى əر وڭىرلىك فيليالدا ىرىكتەۋ كەزەڭى وتكەن. توپتى جارىپ, جولداما العاندارى رۋدنىيدا باق سىناپ وتىر»,-دەدى. سپورتتىق شاراعا قاتىسۋشىلار ءداستۇرلى جارىس كومپانيا قىزمەتكەرلەرى ءۇشىن ۇلكەن مەرەكە ەكەنىن ايتادى. ولار وزدەرىن سپورت الاڭىندا قارسىلاس بولعانىمەن, قىزمەت بابىندا قۇرمەتتى ارىپتەس ەكەندىكتەرىن دە ەستەن شىعارمايدى.
كومپانيا قىزمەتكەرلەرى شاعىن فۋتبول, ۆولەيبول, ۇستەل تەننيسى, ارمرەستلينگ جانە شاحمات سىندى سپورت تۇرلەرىنەن سايىسقا ءتۇستى. اتالعان دوداعا كومپانيانىڭ 300-گە جۋىق قىزمەتكەرى قاتىستى. ىمىراسىز سپورتتىق جارىستىڭ ناتيجەسىندە ءبىرىنشى جالپىكوماندالىق ورىنعا «سارىباي جەت» فيليالىنىڭ سپورتشىلارى يە بولسا, ەكىنشى ورىنعا «سولتۇستىك جەت», ءۇشىنشى ورىنعا «شىعىس جەت» فيليالىنىڭ كومانداسى يە بولدى.
