ساۋداداعى بارلىق كەدەرگىنى جويۋ قاجەت
العاشقىلاردىڭ ءبىرى بولىپ تاسس اقپارات اگەنتتىگى جازدى. اقپارات قۇرالى قازاقستان پرەزيدەنتىنىڭ «بىزگە 2025 جىلعا قاراي ءوزارا ساۋداداعى بارلىق كەدەرگىنى جويۋ قاجەت. بۇل – بىرلەستىگىمىزدىڭ تولىققاندى قىزمەت ەتۋىنىڭ ماڭىزدى تالابى», دەگەن ءسوزىن كەلتىرە وتىرىپ, ن.نازارباەۆ ەۋرازيالىق ەكونوميكالىق كوميسسيا مەن ۇكىمەتتەرگە وسى باعىتتاعى جۇمىستى جانداندىرۋ قاجەت دەپ ەسەپتەيتىنىن جازدى.
بۇدان ءارى ەلباسىنىڭ ەكونوميكانىڭ باستى سەكتورلارىنداعى ءىرى جوبالاردى ىسكە اسىرۋ قاجەتتىلىگىنە دە توقتالعانىن, وسىعان بايلانىستى, كوميسسيا مەن ەۋرازيا ەكونوميكالىق وداعىنا مۇشە ەلدەردىڭ ۇكىمەتتەرىنە وسىنداي جوبالاردىڭ ءتىزىمىن جاساۋ ۇسىنىلعانىن دا ايتىپ وتكەن.
ءوزارا ىقپالداستىقتى كەڭەيتۋ ماڭىزدى
نۇرسۇلتان نازارباەۆتىڭ 2025 جىلعا قاراي ەاەو ەلدەرىنىڭ ءوزارا ساۋداسىنداعى بارلىق كەدەرگىلەردى جويۋعا شاقىرعانى, سونداي-اق ەاەو اياسىندا ءوزارا ىقپالداستىقتى ودان ءارى كەڭەيتۋ ۇدەرىستەرىنە قولداۋ كورسەتىپ, ەۋرازيا ەكونوميكالىق كوميسسياسى مەن وعان مۇشە ەلدەردىڭ ۇكىمەتتەرى تاراپىنان جاڭا جۇمىس باعىتتارىنىڭ ارقايسىسىنىڭ ەكونوميكالىق تۇرعىدان ماقساتقا قانشالىقتى ساي كەلەتىندىگىنە تەرەڭ تالداۋ جاساۋ قاجەتتىگىن اتاپ وتكەنىن Interfax اقپارات اگەنتتىگى دە حابارلادى.
اقپارات اگەنتتىگى ن.نازارباەۆتىڭ: «جالپى, ءبىز ەۋرازيا ەكونوميكالىق وداعىنىڭ نەگىزگى ماقساتتارىنا – تاۋارلار مەن قىزمەتتەردىڭ, كاپيتال مەن جۇمىس كۇشىنىڭ ەركىن اينالىمىن قامتاماسىز ەتۋگە باتىل قادام جاساپ كەلەمىز. سونىمەن بىرگە ەۋرازيا ەكونوميكالىق وداعىنىڭ تولىققاندى جۇمىس ىستەۋىن قامتاماسىز ەتۋ ءۇشىن تاعى دا كۇش جۇمىلدىرۋىمىز كەرەك», دەگەن سوزدەرىن مىسالعا العان.
سونداي-اق مەملەكەت باسشىسىنىڭ ءتورت «ەركىندىكتى» قامتاماسىز ەتۋگە باعىتتالعان قۇجاتتار بويىنشا جۇمىستى اياقتاۋدىڭ, سونىڭ ىشىندە ەاەو ەلدەرىنىڭ ازاماتتارىن زەينەتاقىمەن قامتۋ تۋرالى كەلىسىمنىڭ ماڭىزدىلىعىن ايتقانىن دا اتاپ كورسەتكەن.
ەاەو-دا ءوسىمنىڭ وڭ قارقىنى بار
بەلارۋس تەلەگراف اگەنتتىگى سانكت-پەتەربۋرگتە وتكەن جوعارى ەۋرازيالىق ەكونوميكالىق كەڭەستىڭ وتىرىسىندا قازاقستان پرەزيدەنتى نۇرسۇلتان نازارباەۆتىڭ ەۋرازيالىق ەكونوميكالىق وداقتاعى ءوسىمنىڭ وڭ ديناميكاسىن اتاپ كورسەتكەنىنە توقتالدى. «الەمدىك ەكونوميكانىڭ قۇبىلمالىلىعىنا بايلانىستى سىرتقى جاعدايلار مەن تاۋەكەلدەرگە قاراماستان, ءبىز ءوسىمنىڭ وڭ قارقىنىن ساقتاپ قالا الدىق. بيىلعى قاڭتار-قىركۇيەك ايلارىندا سىرتقى جانە ءوزارا ساۋدا-ساتتىق كولەمى ايتارلىقتاي ارتتى» دەدى قازاقستان پرەزيدەنتى. بۇدان ءارى اقپارات اگەنتتىگى ەاەو ءىجو-ءنىڭ جيىنتىق كولەمىنىڭ, كاپيتالعا سالىنعان ينۆەستيتسيالار مەن ونەركاسىپتىك ءوندىرىستىڭ قانشالىقتى پايىزعا وسكەنىن سالىستىرا وتىرىپ كورسەتكەن.
تسيفرلاندىرۋ ماسەلەلەرى ءسوز بولدى
CA-News قازاقستان پرەزيدەنتىنىڭ تسيفلاندىرۋدىڭ قانشالىقتى ماڭىزدى ەكەنىن ءارى وسى جولدا اتقارىلىپ جاتقان ماڭىزدى ماسەلەلەردى ايتقانىن جازدى. جيىندا ن.نازارباەۆ تسيفرلاندىرۋ ماسەلەلەرىنىڭ 2025 جىلعا دەيىنگى نەگىزگى باعىتتارىن ىسكە اسىرۋ جونىندەگى جۇمىستاردىڭ ناتيجەلەرىنە توقتالعان بولاتىن.
دايىنداعان ءمادينا جالەلقىزى,
«ەگەمەن قازاقستان»
