بۇل تۋرالى پىكىرىن م.اشىمباەۆ ءوزىنىڭ Facebook جەلىسىندەگى پاراقشاسىندا ءبولىستى. ونىڭ سوزىنە قاراعاندا, تاۋەلسىزدىك كۇنى ەلدىگىمىزدىڭ بويتۇمارىنا اينالىپ, حالقىمىز ءۇشىن قاستەرلى ءارى قاسيەتتى مەرەكەگە اينالدى.
«ازاتتىقتىڭ ارقاسىندا الەمدىك قاۋىمداستىققا ەتەنە ەنىپ, ونىڭ تولىق مۇشەسى اتاندىق. ەشكىمگە جالتاقتاماي, ەرتەڭىمىزدى ءوزىمىز باعامدايتىن, ساياساتىمىزدى ۇلتتىق مۇددەگە ساي جۇرگىزەتىن دەڭگەيگە جەتتىك.
ەلباسىمىزدىڭ دانا باسشىلىعىمەن تاۋەلسىزدىك جىلدارىندا ەل دامۋىنىڭ جاڭا ەكونوميكالىق جانە ساياسي نەگىزى قالىپتاستى. حالىقتىڭ ءال-اۋقاتى مەن الەمدىك دەڭگەيدەگى ابىروي-بەدەلىمىز دە ايتارلىقتاي ارتا ءتۇستى. سوندىقتان تاۋەلسىزدىك كۇنىن اتاپ وتۋدە وتانعا دەگەن ماحابباتتىڭ جارقىن ۇلگىسىن كورسەتۋ ءار قازاقستاندىقتىڭ ازاماتتىق بورىشى بولۋى ءتيىس. ول ءۇشىن مەملەكەتتىك دەڭگەيدەگى مەرەكەلىك ءىس-شارالارمەن شەكتەلمەي, ءار ادام تاۋەلسىزدىك مەيرامىن تويلاۋعا از دا بولسا ءوز ۇلەسىن قوسۋعا تىرىسۋى قاجەت», دەيدى م.اشىمباەۆ.
سونداي-اق پارتيا توراعاسىنىڭ ءبىرىنشى ورىنباسارى كاسىپكەرلەر مەن كاسىپورىنداردى جانە حالىققا قىزمەت كورسەتىپ وتىرعان جەكە ۇيىمداردى تاۋەلسىزدىك كۇنىن ناعىز ەلدىكتىڭ, ەگەمەندىكتىڭ مەرەكەسى رەتىندە اتاپ وتۋگە شاقىردى.
«مەرەكە كۇندەرى سورەلەر مەملەكەتتىك رامىزدەردىڭ تۇسىمەن بەزەندىرىلىپ, قىزمەتكەرلەر ۇلتتىق ناقىشقا ساي كيىمدەر كيسە, ساۋدا ورىندارىندا ارنايى اكتسيالار مەن جەڭىلدىكتەر سياقتى بىرەگەي باستامالار قولعا الىنسا مەرەكەنىڭ ماڭىزى مەن ءمانى ودان ءارى ارتا تۇسەتىنى انىق.
قالاي دەسەك تە, بۇل كۇندەرى ءار قازاقستاندىق مەرەكەلىك كوڭىل-كۇيگە بولەنىپ, بارلىق قوعامدىق ورىنداردا تاۋەلسىزدىكتىڭ ءمانى مەن ماڭىزى ايقىن سەزىلىپ تۇرۋى ءتيىس. سول كەزدە ءبىز اتا-بابامىز اڭساعان ازاتتىقتىڭ باعاسىن پايىمداپ, جاڭا قازاقستان تاريحىنداعى ەڭ ۇلىق كۇنگە دەگەن قۇرمەتىمىزدى كورسەتەر ەدىك.
ەگەر وسى باستاماعا ءبارىمىز ءبىر كىسىدەي اتسالىسىپ, ءوز ۇلەسىمىزدى قوسساق, تاۋەلسىزدىك كۇنىنىڭ شىن مانىندە جالپىۇلتتىق جانە ءار قازاقستاندىقتىڭ اسىعا كۇتەتىن ەڭ باستى مەرەكەسىنە اينالاتىنىنا كامىل سەنەمىن», دەدى م.اشىمباەۆ Facebook جەلىسىندەگى پاراقشاسىندا.
