اتالمىش كۋرس نەگىزىندە ەلباسىنىڭ تۇلعالىق قالىپتاسۋ كەزەڭدەرىن كورسەتىپ, ونى جاستارعا ونەگە ەتۋ ارقىلى وتانسۇيگىشتىككە تاربيەلەۋ ءىسى قولعا الىنۋدا. اتاپ ايتار بولساق, بۇل كۋرس العاش رەت 2013-2014 جىلدارى ەلوردانىڭ ج.جاباەۆ اتىنداعى مەكتەپ-گيمنازياسى, №50 «قازعارىش» مەكتەپ-ليتسەيى جانە № 38 مەكتەپتىڭ وقۋشىلارىنا وتكىزىلە باستادى. بۇل جۇمىس ءارى قاراي جالعاسىن تاۋىپ, اقمولا وبلىسى ەڭبەكشىلدەر اۋدانى جانە ارشالى اۋدانىنا قاراستى قوسشى اۋىلدىق وكرۋگىندە, الماتى وبلىسى قاراساي اۋدانى اباي مەكتەبىنىڭ وقۋشىلارىنا ارنايى ءدارىس وتكىزىلدى.
وسىناۋ شارا اياسىندا ەلباسىنىڭ سىنىپتاستارى مەن زامانداستارى: س.ەسىمباي, ق.سارەكەنوۆ, ك.ءامىروۆا, ك.بايبوسىنوۆ, ر.سيرازيتدينوۆا, ت.سىپاەۆ, ا.ءابدىرامانوۆ, م.قىستاۋباەۆ, ي.ورازباەۆ, ە.ساپارباەۆ, ا.مىرزامەتوۆ, ءا.كارىموۆتەردىڭ قاتىسۋمەن «ونەگەلى ءومىر, وشپەس مۇرا» اتتى رۋحاني كەش ۇيىمداستىرىلىپ, پرەزيدەنتىمىزدىڭ تۋعان ولكەسى قاسكەلەڭ, شامالعان, ۇشقوڭىر ەلدى مەكەندەرى جانە ءبىلىم الىپ, قىزمەت اتقارعان دنەپرودزەرجينسك, الماتى, تەمىرتاۋ, قاراعاندى قالالارىنا عىلىمي-ىزدەستىرۋ جۇمىسى جۇرگىزىلدى. ناتيجەسىندە 50-گە جۋىق دەرەك قورى (سۇحباتتار, ەستەلىكتەر, مۇراعاتتار) تابىلىپ, ولار كوپشىلىك نازارىنا ۇسىنىلدى.
وسى ورايدا, ن.نازارباەۆتىڭ بۇعان دەيىن بەلگىسىز بولىپ كەلگەن 1956 جىلى «جاس ناتۋراليستەر» ۇيىمىنا مۇشە رەتىندە بۇكىلوداقتىق اۋىلشارۋاشىلىق كورمەسىنىڭ مەدالىنە يە بولۋى, سونىمەن قاتار «كومسومولسكايا پراۆدا», «كازاحستانسكايا پراۆدا» سىندى بۇكىلوداقتىق, رەسپۋبليكالىق گازەتتەردە جاريالانعان ماقالالار, رەسەيلىك مۇراعات قورلارىنان الىنعان نۇرسۇلتان نازارباەۆتىڭ ءوندىرىس وزاتتارىمەن بىرگە كوسموناۆت ۆالەري بىكوۆسكيدىڭ قولىنان عارىشتا بولىپ كەلگەن كومسومول توسبەلگىسىن الۋى, قازاقستان كومسومولىنىڭ ح, ءحىى سەزدەرىنە, بلكجو-نىڭ حIV cەزىنە, فينليانديانىڭ حەلسينكي قالاسىندا وتكەن VIII بۇكىلالەمدىك جاستار مەن ستۋدەنتتەر فەستيۆالىنە قاتىسۋى تۋرالى اقپاراتتار, قۇجاتتار مەن فوتوسۋرەتتەر قۇندى دۇنيە رەتىندە باعالانىپ وتىر.
وسىلايشا ەلىمىز كولەمىندە «ەلباسىتانۋ» الىپپەسىن تۇراقتى جۇرگىزۋدىڭ ناتيجەسىندە دەرەك قورى جيناقتالىپ, ولار «اتامەكەن» بروشيۋراسى, «قوعامدىق-ساياسي تاقىرىپ بويىنشا ەكسكۋرسيا جۇرگىزۋ جانە دايىنداۋ» اتتى ادىستەمەلىك قۇرال, «ەلباسى: ءومىربايانى, باستامالارى جانە ساياسي ۇستانىمى. زامانداستار ەستەلىكتەرى» اتتى جيناق, «ۇلاعاتتى ۇستازدار» البومى سىندى كىتاپ بولىپ جارىق كوردى. سونىمەن قاتار قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى مۋزەيىنىڭ ۇنپاراعى «ميراس» قوعامدىق-ساياسي جانە عىلىمي-كوپشىلىك جۋرنالى ارقىلى 30-عا جۋىق ەستەلىك-سۇحبات پەن ماقالا جاريالاندى.
سوڭعى رەت, ياعني بيىلعى قاراشا ايىنىڭ 18-25-ءى ارالىعىندا عىلىمي-ىزدەستىرۋ توبى 1959-1960 جىلدارى ەلباسى ءبىلىم العان ۋكراينا ەلىندەگى دنەپرودزەرجينسك قالاسىنداعى №8 تەحنيكالىق ۋچيليششەدە بولىپ كەلدى. عىلىمي توپتى قالا باسشىسىنىڭ ورىنباسارى ت.زاۆگورودنيك قابىلداپ, ۋچيليششەنىڭ تاريحىمەن تانىستىردى. ىزدەۋشىلەر وقۋ ورنىنىڭ مۇراعاتىنان جاس جىگىت نۇرسۇلتان نازارباەۆتى وقۋعا قابىلداۋ تۋرالى 1958 جىلعى 20 قاراشاداعى №12 بۇيرىقتى جانە ۇزدىك وقىعانى, قوعام جانە كومسومول جۇمىستارىنا بەلسەنە قاتىسقانى ءۇشىن تابىس ەتىلگەن «ماقتاۋ قاعازى» ت.ب. مالىمەتتەر تاۋىپ قايتتى.
ءلايلا وماروۆا,
قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسىنىڭ جەتەكشى عىلىمي قىزمەتكەرى
