ءىس-شارانىڭ نەگىزگى ماقساتى – حالىققا ەلباسى «نۇر وتان» پارتياسىنىڭ توراعاسى ن.ءا.نازارباەۆتىڭ الەۋمەتتىك ساياساتىنىڭ ءمانىن, ونىڭ ەلىمىزدەگى الەۋمەتتىك-ەكونوميكالىق جاعدايىن جاقسارتۋعا, قوعامداعى حالىقتار بىرلىگى مەن تۇراقتىلىقتى ساقتاۋعا باعىتتالعان ەرەن ەڭبەگىن ناسيحاتتاۋ.
مەرەكەلىك ءىس-شاراعا «نۇر وتان» پارتياسىنىڭ ارداگەرلەرى, قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى مۋزەيىنىڭ قىزمەتكەرلەرى, قوعامدىق قابىلداۋ بولمەسىندە كونسۋلتاتيۆتى كومەكتى جۇزەگە اسىراتىن مەملەكەتتىك ورگانداردىڭ وكىلدەرى, زاڭگەرلەر, بانك كەڭەسشىلەرى جانە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ بولاشاق ساياساتكەرلەرى مەن الەۋمەتتانۋشى ستۋدەنتتەرى قاتىستى.
ءىس-شارانى پارتيانىڭ رەسپۋبليكالىق قوعامدىق قابىلداۋ بولمەسىنىڭ مەڭگەرۋشىسى ب.تەمىروۆا اشىپ, ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىنىڭ نەگىزگى ەرەجەلەرى, پارتيانىڭ قوعامدىق قابىلداۋ بولمەلەرىنىڭ جۇمىسى, ازماتتاردىڭ وتىنىشتەرىن قاراۋ, وڭ شەشىلگەن ماسەلەلەر قاتارىن ارتتىرۋ تەتىكتەرى تۋرالى كەڭىنەن ايتىپ بەردى.
سونىمەن قاتار تۇڭعىش پرەزيدەنت – ەلباسىنىڭ كىتاپحاناسىنىڭ قىزمەتكەرلەرى قوعامدىق قابىلداۋ بولمەسىنىڭ عيماراتىندا كوشپەلى كورمە ۇيىمداستىردى. قوناقتار الدىندا اتالعان مەكەمە ديرەكتورىنىڭ ورىنباسارى گ.اقتاەۆا ەلباسىنىڭ ءومىر جولىنان سىر شەرتەتىن تاريحي دەرەكتەر جونىندە ايتىپ ءوتتى.
قازاقستان رەسپۋبليكاسى ەلتاڭباسىنىڭ اۆتورى ج.مالىبەك ۇلى ءوز سوزىندە مەملەكەتتىك رامىزدەرگە بايلانىستى بايقاۋعا 600-گە جۋىق تۋىندىنىڭ اۆتورلارى قاتىسقانىن جانە ءوزىنىڭ ەڭبەگى كوپشىلىكتىڭ جانە ەلباسىنىڭ كوڭىلىنەن شىققانىن تەبىرەنە ايتتى. پارتيا ارداگەرى, ەلباسىنىڭ بۇرىنعى كەڭەسشىسى ق.تاقۋوۆ ن.نازارباەۆتىڭ تاۋەلسىزدىكتى نىعايتۋ جولىنداعى تاريحي باستامالارى تۋراسىندا ەستەلىگىمەن ءبولىستى.
بۇدان كەيىن قوعامدىق قابىلداۋ بولمەسىندە ۇنەمى كونسۋلتاتيۆتى كومەك كورسەتەتىن ۇزدىك مەملەكەتتىك ورگاندار, بانك كەڭەسشىلەرى جانە زاڭگەرلەر ماراپاتتالدى. ولارعا پارتيا حاتشىسىنىڭ العىس حاتتارى مەن ەلباسىنىڭ ءومىرى مەن قىزمەتى تۋرالى جيناقتار تابىستالدى.
اسقار قۇمارباي,
«نۇر وتان» پارتياسى رەسپۋبليكالىق قوعامدىق قابىلداۋ بولمەسىنىڭ كونسۋلتانتى
