اقجولتاي حابار ماۆريكي استاناسى پورت-لۋي قالاسىندا ءوتىپ جاتقان ماتەريالدىق ەمەس مادەني مۇرانى قورعاۋ جونىندەگى ۇكىمەتارالىق كوميتەت وتىرىسىندا ماقۇلداندى.
«قورقىت اتا مۇراسى: ەپوس مادەنيەتى, حالىقتىڭ اڭىز اڭگىمەلەرى مەن اۋەندەرى» نوميناتسياسىن قازاقستان, ازەربايجان مەن تۇركيا بىرلەسە ازىرلەپ, ۇسىنعانىن بۇعان دەيىن حابارلاعان ەدىك. ال «قازاق اتبەگىلەرىنىڭ ءداستۇرلى كوكتەمگى ادەت-عۇرىپتارى» حالقىمىزدىڭ «قىمىز مۇرىندىق», «بيە بايلاۋ» جانە «ايعىر قوسۋ» سەكىلدى عۇرىپتارىن قامتيدى.
قازاقستان يۋنەسكو-نىڭ وسى بەدەلدى قۇرىلىمىنىڭ جۇمىسىنا العاش رەت تولىققاندى مۇشە رەتىندە قاتىسىپ وتىر. ەلىمىز بيىلعى ماۋسىمدا پاريجدە وتكەن 7-ءشى سەسسياسىندا ماتەريالدىق ەمەس مادەنيەتتى قورعاۋ جونىندەگى كونۆەنتسيا قۇرامىنا ەنگەن ەدى.
وسىمەن ادامزاتقا ورتاق ماتەريالدىق ەمەس مادەني مۇرانىڭ رەپرەزەنتاتيۆتىك تىزىمىنە ەنگەن ەلەمەنتتەردىڭ سانى ونعا جەتتى. بۇعان دەيىن دومبىرامەن كۇي ورىنداۋ جانە كيىز ءۇي تىگۋ ونەرى, ايتىس, قازاق كۇرەسى, ناۋرىزدى مەرەكەلەۋ, قۇسبەگىلىك, قاتىرما نان ءپىسىرۋ, اسىق ويىنى اتالعان تىزىمگە ەنگەن بولاتىن.
