جيىندى اشقان گ.ابدىقالىقوۆا نۇرسۇلتان نازارباەۆتىڭ «مەملەكەتتىڭ بارلىق باستامالارى حالقىمىزدىڭ تۇرمىس دەڭگەيىن جاقسارتۋعا باعىتتالعان. جۇرتتىڭ ساپالى ءبىلىم الىپ, سۇرانىسقا يە ماماندىعى مەن لايىقتى جۇمىسى بولعاندا عانا ءال-اۋقاتىمىز ارتادى» دەگەن سوزىنە توقتالدى.
– «بولاشاق» ستيپەندياسى – مەملەكەت باسشىسى اۋقىمدى جاڭا جوبالاردى ىسكە اسىرۋدىڭ بىرەگەي تەتىگى رەتىندە ايقىنداپ بەرگەن باسىم باعىتتاردىڭ ءبىرى, – دەدى مەملەكەتتىك حاتشى.
كوميسسيا وتىرىسىندا شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ حاتتامالىق تاپسىرمالارىنىڭ ورىندالۋى تۋرالى ءبىلىم جانە عىلىم مينيسترلىگىنىڭ ەسەبى تىڭدالدى, سونداي-اق «بولاشاق» ستيپەندياسىنىڭ جۇزەگە اسىرىلۋىنا قاتىستى بىرقاتار ماسەلەلەر قاراستىرىلدى.
كوميسسيانىڭ شەشىمىمەن 2019 جىلعا ارنالعان باسىم ماماندىقتاردىڭ تىزبەسى بەكىتىلدى. قۇجاتتا 155 ماماندىق قامتىلعان. «بولاشاق» حالىقارالىق ستيپەندياسى بويىنشا تاعىلىمدامادان وتەتىندەردىڭ ساناتى انىقتالدى. 2019 جىلعا 555 ستيپەنديا بەكىتىلدى.
ستيپەنديا ماگيستراتۋرا مەن دوكتورانتۋرادا وقۋعا, سونداي-اق الەمنىڭ جەتەكشى عىلىمي جانە وندىرىستىك ورتالىقتارىندا تاعىلىمدامادان وتۋگە جولداناتىن 71 ۇمىتكەرگە تاعايىندالدى.
جيىن قورىتىندىسى بويىنشا قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا «بولاشاق» حالىقارالىق ستيپەندياسىن جۇزەگە اسىرۋدى ودان ءارى جالعاستىرۋ جونىندە بىرقاتار تاپسىرما بەردى.
